ਪਤੰਜਲੀ ਦੇ ਉਤਪਾਦਾਂ ’ਚ ਮਿਲਾਵਟ ਸਾਬਤ ਹੋਈ ਤਾਂ ਫਾਹੇ ਲਾ ਦੇਣਾ : ਰਾਮਦੇਵ ਨੇ ਮਿਲਾਵਟ ਦੇ ਦਾਅਵਿਆਂ ਨੂੰ ਸਾਜ਼ਿਸ਼ ਕਰਾਰ ਦਿੱਤਾ

ਨਵੀਂ ਦਿੱਲੀ :TLT NEWS/ ਬਾਬਾ ਰਾਮਦੇਵ ਨੇ ਪਤੰਜਲੀ ਦੇ ਉਤਪਾਦਾਂ ’ਤੇ ਲਗੇ ਮਿਲਾਵਟ ਦੇ ਦਾਅਵਿਆਂ ’ਤੇ ਵੱਡਾ ਦਾਅਵਾ ਕਰਦਿਆਂ ਕਿਹਾ ਕਿ ਪਤੰਜਲੀ ਦੇ ਉਤਪਾਦ 100 ਫ਼ੀਸਦ ਸ਼ੁੱਧ ਹਨ। ਜੇ ਇਨ੍ਹਾਂ ਵਿਚ ਕੋਈ ਮਿਲਾਵਟ ਮਿਲੀ ਤਾਂ ਮੈਨੂੰ ਚੌਰਾਹੇ ‘ਤੇ ਫਾਂਸੀ ’ਤੇ ਲਟਕਾ ਦੇਣਾ। ਰਾਮਦੇਵ ਨੇ ਕਿਹਾ ਕਿ ਪਤੰਜਲੀ ਦੇ ਉਤਪਾਦ ਪੂਰੀ ਤਰ੍ਹਾਂ ਸਹੀ ਹਨ। ਗਾਂ ਦੇ ਘਿਓ ਸਮੇਤ ਹੋਰ ਉਤਪਾਦਾਂ ’ਤੇ ਮਿਲਾਵਟ ਦੇ ਦਾਅਵਿਆਂ ਨੂੰ ਉਹ ਸਾਜ਼ਿਸ਼, ਅਗਿਆਨਤਾ, ਬਦਲਾਖੋਰੀ ਅਤੇ ਮਕਬੂਲੀਅਤ ਹਾਸਲ ਕਰਨ ਦਾ ਹਥਕੰਡਾ ਮੰਨਦੇ ਹਨ। ਉਨ੍ਹਾਂ ਨੇ ਸਵਾਲ ਕੀਤਾ ਕਿ ਅਜਿਹੇ ਸਵਾਲ ਬਹੁ-ਰਾਸ਼ਟਰੀ ਕੰਪਨੀਆਂ ਦੇ ਉਤਪਾਦਾਂ ’ਤੇ ਕਿਉਂ ਨਹੀਂ ਉਠਾਏ ਜਾਂਦੇ।