ਲਾਇੰਸ ਕਲੱਬ ਜਲੰਧਰ ਕੈਂਟ ਸੈਂਟਰਲ ਵੱਲੋਂ ਛੋਟੇ ਸਾਹਿਬਜ਼ਾਦਿਆਂ ਦੀ ਯਾਦ ਵਿੱਚ ਗਰਮ ਕੰਬਲ ਵੰਡੇ ਗਏ

ਜਲੰਧਰ(ਰਮੇਸ਼ ਗਾਬਾ) ਲਾਇੰਸ ਕਲੱਬ ਜਲੰਧਰ ਕੈਂਟੋਨਮੈਂਟ ਸੈਂਟਰਲ ਵੱਲੋਂ ਲੱਦੇਵਾਲੀ ਸਥਿਤ ਪਾਰਕ ਐਵੇਨਿਊ ਵਿਖੇ ਇੱਕ ਵਿਸ਼ੇਸ਼ ਸੇਵਾ ਪ੍ਰੋਜੈਕਟ ਉਲੀਕਿਆ ਗਿਆ। ਸਾਬਕਾ ਗਵਰਨਰ ਜਸਵਿੰਦਰ ਪਾਲ ਸਿੰਘ ਦੀ ਰਹਿਨੁਮਾਈ ਅਤੇ ਪ੍ਰਧਾਨ ਗੁਰਪ੍ਰਤਾਪ ਸਿੰਘ ਦੀ ਅਗਵਾਈ ਹੇਠ ਕਰਵਾਏ ਗਏ ਇਸ ਸਮਾਗਮ ਵਿੱਚ ਲੋੜਵੰਦਾਂ ਨੂੰ ਗਰਮ ਕੰਬਲ ਵੰਡੇ ਗਏ। ਇਹ ਉਪਰਾਲਾ ਛੋਟੇ ਸਾਹਿਬਜ਼ਾਦਿਆਂ, ਮਾਤਾ ਗੁਜਰੀ ਜੀ ਅਤੇ ਬਾਬਾ ਮੋਤੀ ਰਾਮ ਮਹਿਰਾ ਜੀ ਦੇ ਸ਼ਹੀਦੀ ਦਿਹਾੜੇ ਨੂੰ ਸਮਰਪਿਤ ਸੀ। ਸ਼ਹੀਦਾਂ ਨੂੰ ਸੱਚੀ ਸ਼ਰਧਾਂਜਲੀ ਇਸ ਮੌਕੇ ਮੁੱਖ ਮਹਿਮਾਨ ਵਜੋਂ ਪਹੁੰਚੇ ਸਾਬਕਾ ਗਵਰਨਰ ਜਸਵਿੰਦਰ ਪਾਲ ਸਿੰਘ ਨੇ ਕਿਹਾ ਕਿ ਮਾਨਵਤਾ ਦੀ ਸੇਵਾ ਕਰਨਾ ਹੀ ਸ਼ਹੀਦਾਂ ਨੂੰ ਸੱਚੀ ਸ਼ਰਧਾਂਜਲੀ ਹੈ। ਉਨ੍ਹਾਂ ਕਿਹਾ ਕਿ ਕਲੱਬ ਨੇ ਲੋੜਵੰਦਾਂ ਦੀ ਮਦਦ ਕਰਕੇ ਛੋਟੇ ਸਾਹਿਬਜ਼ਾਦਿਆਂ ਅਤੇ ਮਾਤਾ ਗੁਜਰੀ ਜੀ ਦੀ ਲਾਸਾਨੀ ਕੁਰਬਾਨੀ ਨੂੰ ਨਮਨ ਕੀਤਾ ਹੈ। ਕਲੱਬ ਦੇ ਪ੍ਰਧਾਨ ਗੁਰਪ੍ਰਤਾਪ ਸਿੰਘ ਨੇ ਦੱਸਿਆ ਕਿ ਸਰਦੀ ਦੇ ਮੌਸਮ ਨੂੰ ਮੁੱਖ ਰੱਖਦਿਆਂ ਅਜਿਹੇ ਸੇਵਾ ਪ੍ਰੋਜੈਕਟ ਜਨਵਰੀ ਮਹੀਨੇ ਵਿੱਚ ਵੀ ਜਾਰੀ ਰਹਿਣਗੇ ਤਾਂ ਜੋ ਵੱਧ ਤੋਂ ਵੱਧ ਲੋੜਵੰਦਾਂ ਨੂੰ ਠੰਢ ਤੋਂ ਬਚਾਇਆ ਜਾ ਸਕੇ। ਦੌਰਾਨ ਕਲੱਬ ਦੇ ਪ੍ਰਮੁੱਖ ਮੈਂਬਰਾਂ ਨੇ ਸ਼ਮੂਲੀਅਤ ਕੀਤੀ, ਜਿਨ੍ਹਾਂ ਵਿੱਚ ਸ਼ਾਮਲ ਸਨ: ਇੰਜੀ. ਆਰ.ਸੀ. ਸ਼ਰਮਾ (ਮਹਾਂਸੰਚਾਲਕ) ਜੇ.ਪੀ. ਗੁਪਤਾ (ਖ਼ਜ਼ਾਨਚੀ) ਰਮੇਸ਼ ਬੱਤਰਾ (ਪੀ.ਆਰ.ਓ.) ਅਮਰਜੀਤ ਸਿੰਘ (ਮੁੱਖ ਸਲਾਹਕਾਰ) ਪਵਨ ਕੁਮਾਰ ਪ੍ਰਭਾਕਰ, ਹਰਵਿੰਦਰ ਸਿੰਘ ਝੱਸ, ਭਜਨ ਸਿੰਘ ਸੈਣੀ, ਤੇਜ ਰਾਮ ਕਟਨੂਰੀਆ। ਪੂਨਮ ਕੌਰ ਝੱਸ, ਪ੍ਰਿਯੰਕਾ ਪ੍ਰਭਾਕਰ, ਉਧਵ ਪ੍ਰਭਾਕਰ ਅਤੇ ਐਡਵੋਕੇਟ ਸੀ. ਕੁਮਾਰ ਸੈਣੀ।

0

0