ਜਲੰਧਰ: ਪਾਸਪੋਰਟ ਸੇਵਾ ਕੇਂਦਰ ਐਮੀਨੈਂਟ ਮਾਲ ਹੁਣ ਸੈਫਰਾਨ ਟਾਵਰ ਵਿੱਚ ਹੋਇਆ ਤਬਦੀਲ, ਜਾਣੋ ਨਵੇਂ ਨਿਯਮ

ਜਲੰਧਰ, :(ਰਮੇਸ਼ ਗਾਬਾ): ਜਲੰਧਰ ਦੇ ਪਾਸਪੋਰਟ ਬਿਨੈਕਾਰਾਂ ਲਈ ਅਹਿਮ ਖ਼ਬਰ ਹੈ। ਖੇਤਰੀ ਪਾਸਪੋਰਟ ਅਧਿਕਾਰੀ (RPO) ਸ਼੍ਰੀ ਯਸ਼ਪਾਲ ਨੇ ਜਾਣਕਾਰੀ ਦਿੱਤੀ ਹੈ ਕਿ ਗੁਰੂ ਨਾਨਕ ਮਿਸ਼ਨ ਚੌਕ (ਲਾਜਪਤ ਨਗਰ) ਸਥਿਤ ਐਮੀਨੈਂਟ ਮਾਲ ਦਾ ਪਾਸਪੋਰਟ ਸੇਵਾ ਕੇਂਦਰ (PSK) ਹੁਣ ਜੀ.ਟੀ. ਰੋਡ, ਪਰਾਗਪੁਰ ਸਥਿਤ ਸੈਫਰਾਨ ਟਾਵਰ ਵਾਲੇ ਕੇਂਦਰ ਵਿੱਚ ਵਿਲੀਨ (Merge) ਕਰ ਦਿੱਤਾ ਗਿਆ ਹੈ।

ਭਾਰਤ ਸਰਕਾਰ ਦੇ ਵਿਦੇਸ਼ ਮੰਤਰਾਲੇ (MEA) ਵੱਲੋਂ ਇਹ ਫੈਸਲਾ ਪਾਸਪੋਰਟ ਸੇਵਾਵਾਂ ਨੂੰ ਵਧੇਰੇ ਸੁਚਾਰੂ ਅਤੇ ਪ੍ਰਭਾਵਸ਼ਾਲੀ ਬਣਾਉਣ ਲਈ ਲਿਆ ਗਿਆ ਹੈ।

ਬਿਨੈਕਾਰਾਂ ਲਈ ਜ਼ਰੂਰੀ ਹਦਾਇਤਾਂ:
ਨਵੀਂ ਅਪਾਇੰਟਮੈਂਟ: ਜਿਨ੍ਹਾਂ ਬਿਨੈਕਾਰਾਂ ਨੇ 14 ਜਨਵਰੀ 2026 ਜਾਂ ਉਸ ਤੋਂ ਬਾਅਦ ਲਈ ਐਮੀਨੈਂਟ ਮਾਲ ਵਾਲੇ ਦਫ਼ਤਰ ਵਿੱਚ ਅਪਾਇੰਟਮੈਂਟ ਬੁੱਕ ਕੀਤੀ ਹੋਈ ਸੀ, ਉਹ ਹੁਣ ਆਪਣੀ ਨਿਰਧਾਰਿਤ ਤਾਰੀਖ ਅਤੇ ਸਮੇਂ ‘ਤੇ ਸੈਫਰਾਨ ਟਾਵਰ (ਪਰਾਗਪੁਰ) ਪਹੁੰਚਣ।

ਰੁਕੀਆਂ ਹੋਈਆਂ ਫਾਈਲਾਂ (Hold Cases): ਜਿਨ੍ਹਾਂ ਬਿਨੈਕਾਰਾਂ ਦੀਆਂ ਫਾਈਲਾਂ ਪਹਿਲਾਂ ਐਮੀਨੈਂਟ ਮਾਲ ਵਿੱਚ ਕਿਸੇ ਕਾਰਨ ਹੋਲਡ ‘ਤੇ ਸਨ, ਉਨ੍ਹਾਂ ਨੂੰ ਵੀ ਹਦਾਇਤ ਕੀਤੀ ਗਈ ਹੈ ਕਿ ਉਹ ਆਪਣੇ ਬਾਕੀ ਰਹਿੰਦੇ ਦਸਤਾਵੇਜ਼ ਹੁਣ ਸੈਫਰਾਨ ਟਾਵਰ ਵਾਲੇ ਕੇਂਦਰ ਵਿੱਚ ਹੀ ਜਮ੍ਹਾਂ ਕਰਵਾਉਣ।

ਪਾਸਪੋਰਟ ਅਧਿਕਾਰੀ ਨੇ ਸਪੱਸ਼ਟ ਕੀਤਾ ਕਿ ਇਸ ਤਬਦੀਲੀ ਦਾ ਉਦੇਸ਼ ਲੋਕਾਂ ਨੂੰ ਇੱਕੋ ਛੱਤ ਹੇਠ ਬਿਹਤਰ ਸੇਵਾਵਾਂ ਪ੍ਰਦਾਨ ਕਰਨਾ ਹੈ ਤਾਂ ਜੋ ਕਿਸੇ ਵੀ ਕਿਸਮ ਦੀ ਅਸੁਵਿਧਾ ਤੋਂ ਬਚਿਆ ਜਾ ਸਕੇ।

0

0