ਜਲੰਧਰ: ਗਰਮੀਆਂ ਦੀਆਂ ਛੁੱਟੀਆਂ ਕਾਰਨ 13 ਇਲੈਕਟ੍ਰੋਨਿਕਸ ਬਾਜ਼ਾਰ 25 ਤੋਂ 28 ਜੂਨ ਤੱਕ ਰਹਿਣਗੇ ਬੰਦ

ਜਲੰਧਰ, 04 ਜੂਨ (ਰਮੇਸ਼ ਗਾਬਾ) ਗਰਮੀਆਂ ਦੀਆਂ ਛੁੱਟੀਆਂ ਦੇ ਮੱਦੇਨਜ਼ਰ ਜਲੰਧਰ ਵਿੱਚ ਇਲੈਕਟ੍ਰੋਨਿਕਸ ਸਾਮਾਨ ਨਾਲ ਜੁੜੀਆਂ 13 ਐਸੋਸੀਏਸ਼ਨਾਂ ਨੇ 25-06-2026 ਤੋਂ 28-06-2026 ਤੱਕ ਆਪਣੀਆਂ ਦੁਕਾਨਾਂ ਬੰਦ ਰੱਖਣ ਦਾ ਸਾਂਝਾ ਫੈਸਲਾ ਲਿਆ ਹੈ।

ਇਹ ਅਹਿਮ ਫੈਸਲਾ ਬੀਤੀ ਸ਼ਾਮ ਹੋਈ ਇੱਕ ਸਾਂਝੀ ਮੀਟਿੰਗ ਦੌਰਾਨ ਲਿਆ ਗਿਆ, ਜਿਸ ਵਿੱਚ ਸਾਰੀਆਂ ਐਸੋਸੀਏਸ਼ਨਾਂ ਦੇ ਪ੍ਰਮੁੱਖ ਅਹੁਦੇਦਾਰਾਂ ਨੇ ਸ਼ਿਰਕਤ ਕੀਤੀ।

ਇਨ੍ਹਾਂ ਬਾਜ਼ਾਰਾਂ ਵਿੱਚ ਰਹੇਗੀ ਬੰਦੀ: ਇਸ ਫੈਸਲੇ ਮੁਤਾਬਕ ਸ਼ਹਿਰ ਦੀਆਂ ਕੁੱਲ 13 ਮਾਰਕੀਟਾਂ ਵਿੱਚ ਕੰਮਕਾਜ ਪੂਰੀ ਤਰ੍ਹਾਂ ਬੰਦ ਰਹੇਗਾ। ਇਹਨਾਂ ਵਿੱਚ ਸ਼ਾਮਲ ਹਨ:

• ਫਗਵਾੜਾ ਗੇਟ ਇਲੈਕਟ੍ਰੋਨਿਕਸ ਮਾਰਕੀਟ

• ਭਗਤ ਸਿੰਘ ਚੌਕ

• ਮਿਲਾਪ ਚੌਕ

• ਪ੍ਰਤਾਪ ਬਾਗ ਮਾਰਕੀਟ

• ਚਾਹਰ ਬਾਗ ਮਾਰਕੀਟ

• ਸ਼ੇਰ-ਏ-ਪੰਜਾਬ ਮਾਰਕੀਟ

• ਆਹੂਜਾ ਮਾਰਕੀਟ

• ਸਿੱਧੂ ਮਾਰਕੀਟ

• ਗੁਰੂ ਨਾਨਕ ਮਾਰਕੀਟ

• ਹਾਂਗਕਾਂਗ ਪਲਾਜ਼ਾ ਮਾਰਕੀਟ

• ਜਗਦੰਬੇ ਮਾਰਕੀਟ

• ਰੇਲਵੇ ਰੋਡ ਮਾਰਕੀਟ

• ਫਗਵਾੜਾ ਗੇਟ ਮੋਬਾਈਲ ਮਾਰਕੀਟ

ਫੈਸਲੇ ਦੀ ਜਾਣਕਾਰੀ ਦੇਣ ਵਾਲੇ ਪ੍ਰਮੁੱਖ ਆਗੂ: ਇਸ ਸਾਂਝੇ ਫੈਸਲੇ ਬਾਰੇ ਜਾਣਕਾਰੀ ਸਾਂਝੀ ਕਰਨ ਵਾਲਿਆਂ ਵਿੱਚ ਬਲਜੀਤ ਸਿੰਘ ਆਹਲੂਵਾਲੀਆ, ਹਰਮਿੰਦਰਪਾਲ ਭਸੀਨ, ਲਾਜਪਤ ਰਾਏ ਮਹਿਤਾ, ਸਰਬਜੀਤ ਆਨੰਦ, ਹਰਪ੍ਰੀਤ ਲਵਲੀ, ਭੁਪਿੰਦਰ ਲੱਕੀ, ਸੁਰਿੰਦਰ ਸਿੰਘ, ਜਸਪਾਲ ਢੱਲੋਰਾ, ਨੀਟਾ ਮੁਰਗਈ ਅਤੇ ਬਲਬੀਰ ਸਿੰਘ ਦੇ ਨਾਂ ਸ਼ਾਮਲ ਹਨ।

0

0