ਕਾਹਿਰਾ, ਰਾਇਟਰ : ਹਮਾਸ ਨੇ ਖਲੀਲ ਅਲ ਹੱਯਾ ਨੂੰ ਆਪਣਾ ਨਵਾਂ ਨੇਤਾ ਐਲਾਨਿਆ ਹੈ। ਹੱਯਾ ਨੇ ਯਾਹਯਾ ਸਿਨਵਾਰ ਦੀ ਜਗ੍ਹਾ ਲਈ ਹੈ, ਜੋ ਅਕਤੂਬਰ 2024 ’ਚ ਇਜ਼ਰਾਇਲੀ ਫ਼ੌਜ ਦੇ ਨਾਲ ਲੜਾਈ ’ਚ ਮਾਰੇ ਗਏ ਸਨ।ਸਿਨਵਾਰ ਤੇ ਇਸਮਾਈਲ ਹਾਨੀਯੇਹ ਦੀ ਮੌਤ ਤੋਂ ਬਾਅਦ ਹੱਯਾ ਹਮਾਸ ਲੀਡਰਸ਼ਿਪ ’ਚ ਇਕ ਮਹੱਤਵਪੂਰਨ ਵਿਅਕਤੀ ਬਣ ਗਏ ਹਨ। ਇਜ਼ਰਾਇਲੀ ਅਧਿਕਾਰੀਆਂ ਨੇ ਦੱਸਿਆ ਕਿ ਹੱਯਾ ਉਨ੍ਹਾਂ ਵੱਡੇ ਹਮਾਸ ਅਧਿਕਾਰੀਆਂ ’ਚ ਸ਼ਾਮਲ ਸਨ, ਜਿਨ੍ਹਾਂ ਨੂੰ 2025 ’ਚ ਦੋਹਾ ’ਚ ਇਕ ਇਜ਼ਰਾਇਲੀ ਹਮਲੇ ’ਚ ਨਿਸ਼ਾਨਾ ਬਣਾਇਆ ਗਿਆ ਸੀ, ਜਿਥੇ ਉਹ ਰਹਿੰਦੇ ਹਨ।
ਹਮਾਸ ਮੁਖੀ ਦੀ ਚੋਣ ਲੰਬੀ ਪ੍ਰਕਿਰਿਆ ਹੈ, ਜੋ ਜਨਵਰੀ ’ਚ ਸ਼ੁਰੂ ਹੋਈ ਸੀ ਪਰ ਈਰਾਨ ਤੇ ਲੇਬਨਾਨ ’ਚ ਜੰਗ ਤੇ ਗਾਜ਼ਾ ’ਚ ਜਾਰੀ ਇਜ਼ਰਾਇਲੀ ਫ਼ੌਜੀ ਮੁਹਿੰਮਾਂ ਦੇ ਕਾਰਨ ਇਸ ’ਚ ਰੁਕਾਵਟ ਆ ਗਈ ਸੀ। ਇਹ ਚੋਣ 50 ਮੈਂਬਰਾਂ ਵਾਲੀ ਇਕ ਪਰਿਸ਼ਦ ਵੱਲੋਂ ਕੀਤਾ ਜਾਂਦਾ ਹੈ, ਜਿਸ ’ਚ ਗਾਜ਼ਾ, ਕਬਜ਼ੇ ਵਾਲੇ ਵੈਸਟ ਬੈਂਕ ਤੇ ਨਿਰਵਾਸਨ ’ਚ ਰਹਿ ਰਹੇ ਹਮਾਸ ਦੇ ਮੈਂਬਰ ਸ਼ਾਮਲ ਹੁੰਦੇ ਹਨ।
ਫਲਸਤੀਨੀ ਸਿਆਸੀ ਮਾਹਰ ਰੇਹਮ ਓਵਦਾ ਨੇ ਕਿਹਾ ਕਿ ਹੱਯਾ ਦਾ ਚੁਣਿਆ ਜਾਣਾ ਇਹ ਸੰਦੇਸ਼ ਹੈ ਕਿ ਹਮਾਸ ਹਥਿਆਰਬੰਦ ਸੰਘਰਸ਼ ਲਈ ਵਚਨਬੱਦ ਹੈ, ਕਿਸੇ ਵੀ ਹਾਲਤ ’ਚ ਹਥਿਆਰ ਛੱਡਣ ਤੋਂ ਇਨਕਾਰ ਕਰਦਾ ਹੈ ਤੇ ਈਰਾਨ ਤੇ ਕਥਿਤ ਐਕਸਿਸ ਆਫ ਰੇਜਿਸਟੈਂਸ ਦੇ ਨਾਲ ਆਪਣੇ ਗੱਠਜੋੜ ਨੂੰ ਬਣਾਏ ਰੱਖਦੇ ਹੋਏ ਆਪਣੀ ਫ਼ੌਜੀ ਤਾਕਤ ਨੂੰ ਫਿਰ ਤੋਂ ਮਜ਼ਬੂਤ ਕਰਨ ਦਾ ਇਰਾਦਾ ਰੱਖਦਾ ਹੈ।
More Stories
ਨੌਕਰੀ ਜਾਣ ’ਤੇ ਅਮਰੀਕਾ ਤੁਰੰਤ ਛੱਡਣਾ ਪਵੇਗਾ, ਲੱਖਾਂ ਭਾਰਤੀ ਪੇਸ਼ੇਵਰਾਂ ਦੀਆਂ ਮੁਸ਼ਕਲਾਂ ਵਧਾਉਣ ਵਾਲੇ ਪ੍ਰਸਤਾਵ ’ਤੇ ਵਿਚਾਰ
ਗੁਰਜਤਿੰਦਰ ਸਿੰਘ ਰੰਧਾਵਾ ਇੰਟਰਫੇਥ ਕੌਂਸਲ ਆਫ ਗ੍ਰੇਟਰ ਸੈਕਰਾਮੈਂਟੋ ਦੇ ਪੰਜਵੀਂ ਵਾਰ ਡਾਇਰੈਕਟਰ ਚੁਣੇ ਗਏ
ਅੰਗਰੇਜ਼ੀ ਨਾ ਬੋਲਣ ਵਾਲੇ 28,000 ਟਰੱਕ ਡਰਾਈਵਰਾਂ ਦੇ ਲਾਇਸੈਂਸ ਰੱਦ, ਭਾਰਤੀਆਂ ‘ਤੇ ਸਭ ਤੋਂ ਵੱਧ ਅਸਰ