ਅੰਮ੍ਰਿਤਸਰ TLT NEWS/ ਹੁਣ ਕਨੈਕਟਿੰਗ ਫਲਾਈਟ ਲਈ ਵੀ ਅੰਮ੍ਰਿਤਸਰ ਸ੍ਰੀ ਗੁਰੂ ਰਾਮਦਾਸ ਜੀ ਇੰਟਰਨੈਸ਼ਨਲ ਹਵਾਈ ਅੱਡੇ ਤੇ ਹੀ ਚੈੱਕ-ਇਨ, ਇਮੀਗ੍ਰੇਸ਼ਨ, ਕਸਟਮ ਅਤੇ ਸਾਮਾਨ ਜਮਾ ਹੋਵੇਗਾ ।ਕੇਂਦਰੀ ਸ਼ਹਿਰੀ ਹਵਾਬਾਜ਼ੀ ਮੰਤਰੀ ਕਿੰਜਾਰਾਪੂ ਰਾਮ ਮੋਹਨ ਨਾਇਡੂ ਨੇ ਕਿਹਾ ਕਿ ਜੇਕਰ ਪੰਜਾਬ ਤੋਂ ਕੋਈ ਲੰਡਨ, ਟੋਰਾਂਟੋ ਜਾਂ ਦੁਬਈ ਦੀ ਯਾਤਰਾ ਕਰਨਾ ਚਾਹੁੰਦਾ ਸੀ ਤਾਂ ਉਸ ਨੂੰ ਦਿੱਲੀ ਪਹੁੰਚਣਾ ਪੈਂਦਾ ਸੀ, ਆਪਣਾ ਸਾਮਾਨ ਦੁਬਾਰਾ ਚੈੱਕ-ਇਨ ਕਰਵਾਉਂਣਾ ਪੈਂਦਾ ਸੀ, ਲੰਬੀਆਂ ਕਤਾਰਾਂ ’ਚ ਖੜ੍ਹਾ ਹੋਣਾ ਪੈਂਦਾ ਸੀ ਅਤੇ ਇਮੀਗ੍ਰੇਸ਼ਨ ਵਿੱਚੋਂ ਲੰਘਣਾ ਪੈਂਦਾ ਸੀ।
ਅੱਧਾ ਦਿਨ ਇਸ ਕਾਹਲੀ ਅਤੇ ਪਰੇਸ਼ਾਨੀ ’ਚ ਬਿਤਾਇਆ ਜਾਂਦਾ ਸੀ ਪਰ ਹੁਣ ਤੁਸੀਂ ਅੰਮ੍ਰਿਤਸਰ ਹਵਾਈ ਅੱਡੇ ’ਤੇ ਹੀ ਇਮੀਗ੍ਰੇਸ਼ਨ ਅਤੇ ਚੈੱਕ-ਇਨ ਪੂਰਾ ਕਰੋਗੇ। ਤੁਹਾਡਾ ਸਾਮਾਨ ਅੰਮ੍ਰਿਤਸਰ ਵਿਖੇ ਚੈੱਕ-ਇਨ ਕੀਤਾ ਜਾਵੇਗਾ ਅਤੇ ਸਿੱਧਾ ਆਪਣੀ ਅੰਤਰਰਾਸ਼ਟਰੀ ਮੰਜ਼ਿਲ ‘ਤੇ ਜਾਵੇਗਾ, ਜਿੱਥੇ ਤੁਸੀਂ ਇਸ ਨੂੰ ਵਾਪਸ ਲਵੋਗੇ।
ਚੈੱਕ-ਇਨ, ਇਮੀਗ੍ਰੇਸ਼ਨ, ਕਸਟਮ ਅਤੇ ਸਾਮਾਨ ਜਮਾ ਸਭ ਇੱਥੇ ਹੀ ਹੋਵੇਗਾ। ਦਿੱਲੀ ’ਚ ਤੁਸੀਂ ਬਸ ਆਪਣੀ ਕਨੈਕਟਿੰਗ ਫਲਾਈਟ ਫੜੋਗੇ। ਤੁਸੀਂ ਸਿਰਫ਼ 4 ਘੰਟਿਆਂ ਦੀ ਫੇਰ ਬਦਲ ਦੇ ਅੰਦਰ ਆਪਣੀ ਅੰਤਰਰਾਸ਼ਟਰੀ ਫਲਾਈਟ ‘ਤੇ ਹੋਵੋਗੇ । ਉਨ੍ਹਾਂ ਕਿਹਾ ਕਿ ਅੰਕੜੇ ਦਰਸਾਉਂਦੇ ਹਨ ਕਿ ਲਗਪਗ 150,000 ਯਾਤਰੀ ਹਰ ਸਾਲ ਅੰਤਰਰਾਸ਼ਟਰੀ ਫਲਾਈਟ ਫੜਨ ਲਈ ਅੰਮ੍ਰਿਤਸਰ ਤੋਂ ਦਿੱਲੀ ਯਾਤਰਾ ਕਰਦੇ ਹਨ। ਇਸੇ ਤਰ੍ਹਾਂ ਲਗਪਗ 150,000 ਯਾਤਰੀ ਵਿਦੇਸ਼ਾਂ ਤੋਂ ਦਿੱਲੀ ਪਹੁੰਚਦੇ ਹਨ ਅਤੇ ਫਿਰ ਅੰਮ੍ਰਿਤਸਰ ਦੀ ਯਾਤਰਾ ਕਰਦੇ ਹਨ।
ਅੰਮ੍ਰਿਤਸਰ ਉੱਤਰੀ ਭਾਰਤ ਲਈ ਅੰਤਰਰਾਸ਼ਟਰੀ ਗੇਟਵੇ ਬਣ ਜਾਵੇਗਾ। ਪੰਜਾਬ, ਜੰਮੂ ਅਤੇ ਕਸ਼ਮੀਰ ਅਤੇ ਹਿਮਾਚਲ ਪ੍ਰਦੇਸ਼ ਸਮੇਤ ਪ੍ਰਮੁੱਖ ਖੇਤਰ ਇੱਥੋਂ ਜੁੜਨਗੇ। ਲਗਪਗ ਵਿਦੇਸ਼ਾਂ ’ਚ ਰਹਿੰਦੇ 3 ਕਰੋੜ ਭਾਰਤੀ, ਜਿਨ੍ਹਾਂ ’ਚੋਂ ਲਗਪਗ 1 ਕਰੋੜ ਪੰਜਾਬੀ ਹਨ… ਜਿਵੇਂ-ਜਿਵੇਂ ਹਵਾਈ ਸੰਪਰਕ ਵਧੇਗਾ, ਅੰਮ੍ਰਿਤਸਰ ਦੀ ਆਰਥਿਕਤਾ ਨੂੰ ਸਿੱਧਾ ਲਾਭ ਹੋਵੇਗਾ। ਯਾਤਰੀਆਂ ਦੀ ਆਮਦ ਨਾਲ ਹੋਟਲਾਂ ਅਤੇ ਸੰਬੰਧਿਤ ਖੇਤਰਾਂ ਲਈ ਕਾਰੋਬਾਰ ਵਧੇਗਾ।
ਦਸਤਕਾਰੀ, ਟੈਕਸਟਾਈਲ, ਕਾਰਗੋ ਅਤੇ ਲੌਜਿਸਟਿਕਸ ਵਰਗੇ ਖੇਤਰ ਨਵੀਂ ਗਤੀ ਪ੍ਰਾਪਤ ਕਰਨਗੇ। ਹੱਬ ਐਂਡ ਸਪੋਕ ਮਾਡਲ ਸਾਡੀਆਂ ਏਅਰਲਾਈਨਾਂ ਲਈ ਪ੍ਰਤੀ ਉਡਾਣ ਆਮਦਨ ਵਧਾਏਗਾ, ਖਾਸ ਕਰਕੇ ਅੰਤਰਰਾਸ਼ਟਰੀ ਲੰਬੀ ਦੂਰੀ ਦੇ ਬਾਜ਼ਾਰ ਵਿੱਚ ਲਾਭ ਮਿਲੇਗਾ।
More Stories
ਜਲੰਧਰ ’ਚ HSRP ਤੋਂ ਬਿਨਾਂ ਵਾਹਨਾਂ ਨੂੰ ਪੈਟਰੋਲ-ਡੀਜ਼ਲ ਨਹੀਂ ਮਿਲੇਗਾ
ਪਤੰਜਲੀ ਦੇ ਉਤਪਾਦਾਂ ’ਚ ਮਿਲਾਵਟ ਸਾਬਤ ਹੋਈ ਤਾਂ ਫਾਹੇ ਲਾ ਦੇਣਾ : ਰਾਮਦੇਵ ਨੇ ਮਿਲਾਵਟ ਦੇ ਦਾਅਵਿਆਂ ਨੂੰ ਸਾਜ਼ਿਸ਼ ਕਰਾਰ ਦਿੱਤਾ
*ਫੋਰਟਿਸ ਹਸਪਤਾਲ ਜਲੰਧਰ ਨੇ 111 ਸਫਲ ਸਟੇਮੀ STEMI ਇੰਟਰਵੈਂਸ਼ਨਾਂ ਦੇ ਨਾਲ ਇੱਕ ਵੱਡੀ ਉਪਲਬਧੀ ਹਾਸਲ ਕੀਤੀ, ਜਿਸ ਨਾਲ ਐਮਰਜੈਂਸੀ ਕਾਰਡਿਅਕ ਕੇਅਰ ਨੂੰ ਹੁਲਾਰਾ ਮਿਲਿਆ*