ਪੰਜਾਬ ਵਿਧਾਨ ਸਭਾ ਨੇ ਤਰਨਤਾਰਨ ਸੀਟ ਖਾਲੀ ਐਲਾਨੀ, ਵਿਧਾਇਕ ਕਸ਼ਮੀਰ ਸਿੰਘ ਸੋਹਲ ਦਾ ਪਿਛਲੇ ਦਿਨੀਂ ਹੋਇਆ ਸੀ ਦੇਹਾਂਤ

ਆਮ ਆਦਮੀ ਪਾਰਟੀ ਜਦ ਵੀ ਇੱਥੇ ਚੋਣ ਲੜਨ ਲਈ ਉਤਰੇਗੀ, ਉਹ ਉਥੇ ਦੇ ਸਥਾਨਕ ਲੋਕਾਂ ਨੂੰ ਉਨ੍ਹਾਂ ਵੱਲੋਂ ਪਾਰਟੀ ਦੇ ਚੁਣੇ ਹੋਏ ਵਿਧਾਇਕ ਨੂੰ ਮੰਤਰੀ ਅਹੁਦਾ ਦੇਣ ਦਾ ਵਾਅਦਾ ਕਰ ਸਕਦੀ ਹੈ। ਅਜਿਹਾ ਪਿਛਲੀਆਂ ਦੋ ਜ਼ਿਮਨੀ ਚੋਣਾਂ ’ਚ ਦੇਖਣ ਨੂੰ ਮਿਲਿਆ ਹੈ। ਜਲੰਧਰ ਪੱਛਮੀ ਤੋਂ ਜਿੱਤੇ ਮੋਹਿੰਦਰ ਭਗਤ ਤੇ ਲੁਧਿਆਣਾ ਪੱਛਮ ਤੋਂ ਜਿੱਤੇ ਸੰਜੀਵ ਅਰੋੜਾ ਨੂੰ ਪਾਰਟੀ ਨੇ ਮੰਤਰੀ ਅਹੁਦੇ ਨਾਲ ਨਵਾਜਿਆ ਹੈ। ਇਨ੍ਹਾਂ ਦੋਵਾਂ ਸੀਟਾਂ ’ਤੇ ਪਾਰਟੀ ਵੱਲੋਂ ਆਪਣੇ ਪ੍ਰਚਾਰ ’ਚ ਇਹ ਵਾਅਦਾ ਕੀਤਾ ਗਿਆ ਸੀ ਕਿ ਉਹ ਜ਼ਿਮਨੀ ਚੋਣ ’ਚ ਉਨ੍ਹਾਂ ਦੇ ਉਮੀਦਵਾਰ ਨੂੰ ਜੇਤੂ ਬਣਾਉਣ ਫਿਰ ਉਨ੍ਹਾਂ ਨੂੰ ਸਰਕਾਰ ’ਚ ਮੰਤਰੀ ਬਣਾਇਆ ਜਾਵੇਗਾ। ਪਾਰਟੀ ਨੇ ਆਪਣਾ ਇਹ ਵਾਅਦਾ ਪੂਰਾ ਵੀ ਕੀਤਾ ਹੈ। ਮਾਝਾ ’ਚ ਪਹਿਲਾਂ ਤੋਂ ਹੀ ਤਿੰਨ ਮੰਤਰੀ ਕੁਲਦੀਪ ਸਿੰਘ ਧਾਲੀਵਾਲ ਸਮੇਤ ਹਰਭਜਨ ਸਿੰਘ ਈਟੀਓ ਤੇ ਲਾਲ ਚੰਦ ਕਟਾਰੂਚੱਕ ਮੰਤਰੀ ਹਨ, ਇਸ ਕਾਰਨ ਪਾਰਟੀ ਨੇ ਮਾਝਾ ਤੋਂ ਇਕ ਮੰਤਰੀ ਘਟਾਉਣ ਦੇ ਲਈ ਕੁਲਦੀਪ ਧਾਲੀਵਾਲ ਦੀ ਅਜਨਾਲਾ ਸੀਟ ਖਾਲੀ ਕਰਵਾ ਲਈ ਹੈ। ਇਸ ਤਰ੍ਹਾਂ ਧਾਲੀਵਾਲ ਦੇ ਹਟਣ ਤੋਂ ਬਾਅਦ ਜੇ ਤਰਨਤਾਰਨ ਜ਼ਿਮਨੀ ਚੋਣ ’ਚ ਆਪ ਉਮੀਦਵਾਰ ਜਿੱਤਦਾ ਹੈ ਤਾਂ ਉਸ ਨੂੰ ਬਿਨਾਂ ਅੜਿੱਕੇ ਮੰਤਰੀ ਬਣਾਇਆ ਜਾ ਸਕੇਗਾ।