ਆਫ਼ਤ ‘ਚ ਘਰ ਹੀ ਨਹੀਂ ਬੈਂਕ ਵੀ ਆਇਆ ਲਪੇਟ ‘ਚ, ਲੱਖਾਂ ਰੁਪਏ ਕੈਸ਼- ਲੌਕਰ ਤੇ ਲੋਨ ਫਾਈਲਾਂ ਮਲਬੇ ‘ਚ ਦੱਬੀਆਂ

ਬੈਂਕ ਮੈਨੇਜਮੈਂਟ ਤੇ ਜ਼ਿਲ੍ਹਾ ਪ੍ਰਸ਼ਾਸਨ ਨੇ ਘਟਨਾ ਸਥਾਨ ਦਾ ਜਾਇਜ਼ਾ ਲਿਆ ਹੈ, ਪਰ ਹਾਲੇ ਤਕ ਰਾਹਤ ਕਾਰਜ ਸ਼ੁਰੂ ਨਹੀਂ ਹੋ ਸਕਿਆ, ਕਿਉਂਕਿ ਇਲਾਕੇ ‘ਚ ਲਗਾਤਾਰ ਮੀਂਹ ਕਾਰਨ ਹਾਲਾਤ ਚੁਣੌਤੀਪੂਰਨ ਬਣੇ ਹੋਏ ਹਨ। ਐਨਡੀਆਰਐਫ ਤੇ ਲੋਕ ਨਿਰਮਾਣ ਵਿਭਾਗ ਦੀਆਂ ਟੀਮਾਂ ਨੂੰ ਮੌਕੇ ‘ਤੇ ਬੁਲਾਇਆ ਗਿਆ ਹੈ ਜੋ ਭਾਰੀ ਮਸ਼ੀਨਰੀ ਨਾਲ ਮਲਬਾ ਹਟਾਉਣ ਦੀ ਤਿਆਰੀ ‘ਚ ਜੁਟੀ ਹੈ।

ਸਥਾਨਕ ਲੋਕਾਂ ਦੀ ਚਿੰਤਾ ਜਾਇਜ਼ ਹੈ, ਕਿਉਂਕਿ ਕਈ ਗਾਹਕਾਂ ਦੀ ਜੀਵਨ ਭਰ ਦੀ ਜਮ੍ਹਾਂ ਪੂੰਜੀ, ਜੇਵਰਾਤ ਤੇ ਜ਼ਰੂਰੀ ਦਸਤਾਵੇਜ਼ ਇਸੇ ਬ੍ਰਾਂਚ ‘ਚ ਜਮ੍ਹਾਂ ਸਨ। ਬੈਂਕ ਦੇ ਸੁਰੱਖਿਆ ਪ੍ਰਬੰਧਾਂ ‘ਤੇ ਵੀ ਹੁਣ ਸਵਾਲ ਉਠ ਰਹੇ ਹਨ ਕਿ ਕੀ ਇੰਨੀ ਸੰਵੇਦਨਸ਼ੀਲ ਸਮੱਗਰੀ ਨੂੰ ਇਕ ਅਜਿਹੇ ਸਥਾਨ ‘ਤੇ ਰੱਖਣਾ ਸੁਰੱਖਿਅਤ ਸੀ, ਜੋ ਜ਼ਮੀਨ ਖਿਸਕਣ ਦੇ ਨਜ਼ਰੀਏ ਨਾਲ ਪਹਿਲਾਂ ਤੋਂ ਹੀ ਸੰਵੇਦਨਸ਼ੀਲ ਮੰਨਿਆ ਜਾਂਦਾ ਰਿਹਾ ਹੈ।

ਪ੍ਰਸ਼ਾਸਨ ਨੇ ਭਰੋਸਾ ਦਿੱਤਾ ਹੈ ਕਿ ਜਿਵੇਂ ਹੀ ਮੌਸਮ ਸੁਹਾਵਣਾ ਹੋਵੇਗਾ, ਮਲਬਾ ਹਟਾ ਕੇ ਬੈਂਕ ਦੀ ਜਾਇਦਾਦ ਦੀ ਸੁਰੱਖਿਆ ਯਕੀਨੀ ਬਣਾਈ ਜਾਵੇਗੀ। ਫਿਲਹਾਲ ਬ੍ਰਾਂਚ ਨੂੰ ਆਰਜ਼ੀ ਤੌਰ ‘ਤੇ ਦੂਜੇ ਸਥਾਨ ‘ਤੇ ਤਬਦੀਲ ਕਰਨ ‘ਤੇ ਵੀ ਵਿਚਾਰ ਚੱਲ ਰਿਹਾ ਹੈ।