ਲੰਬੇ ਤੇ ਘਣੇ ਵਾਲਾਂ ਲਈ ਸਰ੍ਹੋਂ ਦੇ ਤੇਲ ‘ਚ ਮਿਲਾਓ ਇਹ ਇਕ ਖਾਸ ਚੀਜ਼, ਮਿਲਣਗੇ ਖੂਬਸੂਰਤ ਤੇ ਸਿਲਕੀ ਵਾਲ

ਸਰ੍ਹੋਂ ਦਾ ਤੇਲ – ਵਾਲਾਂ ਲਈ ਵਰਦਾਨ

ਸਰ੍ਹੋਂ ਦੇ ਤੇਲ ਨੂੰ ਆਯੁਰਵੇਦ ‘ਚ ਵਾਲਾਂ ਲਈ ਅੰਮ੍ਰਿਤ ਮੰਨਿਆ ਗਿਆ ਹੈ। ਇਸ ਵਿਚ ਮੌਜੂਦ ਗੁਣ ਵਾਲਾਂ ਦੀਆਂ ਜੜ੍ਹਾਂ ਤੋਂ ਲੈ ਕੇ ਸਿਰੇ ਤਕ ਪੋਸ਼ਣ ਪਹੁੰਚਾਉਂਦੇ ਹਨ।

ਗਰਮ ਤਾਸੀਰ – ਸਰ੍ਹੋਂ ਦੇ ਤੇਲ ਦੀ ਗਰਮ ਤਾਸੀਰ ਸਿਰ ਦੀ ਚਮੜੀ ‘ਚ ਖ਼ੂਨ ਦੇ ਸਰਕੂਲੇਸ਼ਨ ਨੂੰ ਵਧਾਉਂਦੀ ਹੈ। ਇਸ ਨਾਲ ਵਾਲਾਂ ਦੀਆਂ ਜੜ੍ਹਾਂ ਤਕ ਜ਼ਿਆਦਾ ਆਕਸੀਜਨ ਤੇ ਪੋਸ਼ਣ ਪਹੁੰਚਦਾ ਹੈ, ਜਿਸ ਨਾਲ ਵਾਲਾਂ ਦਾ ਝੜਨਾ ਘਟਦਾ ਹੈ ਤੇ ਨਵੇਂ ਵਾਲ ਤੇਜ਼ੀ ਨਾਲ ਉਗਦੇ ਹਨ।

ਐਂਟੀ-ਬੈਕਟੀਰੀਅਲ ਗੁਣ – ਇਹ ਤੇਲ ਸਕੈਲਪ ‘ਤੇ ਹੋਣ ਵਾਲੀ ਇਨਫੈਕਸ਼ਨ, ਰੂਸੀ ਤੇ ਫੰਗਸ ਨੂੰ ਦੂਰ ਰੱਖਦਾ ਹੈ, ਜਿਸ ਨਾਲ ਵਾਲਾਂ ਦਾ ਬਿਹਤਰ ਵਿਕਾਸ ਹੁੰਦਾ ਹੈ।

ਓਮੇਗਾ-3 ਫੈਟੀ ਐਸਿਡ ਅਤੇ ਵਿਟਾਮਿਨ : ਸਰ੍ਹੋਂ ਦੇ ਤੇਲ ‘ਚ ਮੌਜੂਦ ਓਮੇਗਾ-3 ਫੈਟੀ ਐਸਿਡ, ਵਿਟਾਮਿਨ-ਈ ਤੇ ਐਂਟੀਓਕਸੀਡੈਂਟਸ ਵਾਲਾਂ ਨੂੰ ਅੰਦਰੋਂ ਮਜ਼ਬੂਤ ਬਣਾਉਂਦੇ ਹਨ, ਉਨ੍ਹਾਂ ਦੀ ਚਮਕ ਵਧਾਉਂਦੇ ਹਨ ਤੇ ਸਮੇਂ ਤੋਂ ਪਹਿਲਾਂ ਸਫੈਦ ਹੋਣ ਤੋਂ ਰੋਕਦੇ ਹਨ।

ਮੇਥੀ ਦਾਣਾ – ਵਾਲਾਂ ਦਾ ਸੁਪਰਫੂਡ

ਮੇਥੀ ਦਾਣੇ ‘ਚ ਪ੍ਰੋਟੀਨ, ਨਿਕੋਟਿਨਿਕ ਐਸਿਡ ਤੇ ਲੈਸਿਥਿਨ ਭਰਪੂਰ ਮਾਤਰਾ ‘ਚ ਮੌਜੂਦ ਹੁੰਦੇ ਹਨ।

ਪ੍ਰੋਟੀਨ ਦਾ ਭੰਡਾਰ – ਵਾਲ ਮੁੱਖ ਤੌਰ ‘ਤੇ ਪ੍ਰੋਟੀਨ ਤੋਂ ਬਣੇ ਹੁੰਦੇ ਹਨ। ਮੇਥੀ ਦਾਣਾ ਵਾਲਾਂ ਨੂੰ ਪ੍ਰੋਟੀਨ ਦੇ ਕੇ ਉਨ੍ਹਾਂ ਨੂੰ ਮਜ਼ਬੂਤੀ ਦਿੰਦਾ ਹੈ ਤੇ ਟੁੱਟਣ ਤੋਂ ਬਚਾਉਂਦਾ ਹੈ। ਇਸ ਨਾਲ ਵਾਲ ਲੰਬੇ ਤੇ ਘਣੇ ਬਣਦੇ ਹਨ।

ਵਾਲਾਂ ਦਾ ਝੜਨਾ ਰੋਕੇ – ਮੇਥੀ ‘ਚ ਹਾਰਮੋਨ ਬੈਲੈਂਸ ਕਰਨ ਵਾਲੇ ਗੁਣ ਹੁੰਦੇ ਹਨ, ਜੋ ਹਾਰਮੋਨਲ ਅਸਮਾਨਤਾ ਕਾਰਨ ਹੋਣ ਵਾਲੇ ਵਾਲਾਂ ਦੇ ਝੜਨ ਦੀ ਸਮੱਸਿਆ ਨੂੰ ਘਟਾਉਂਦੇ ਹਨ।

ਕੰਡਿਸ਼ਨਿੰਗ ਪ੍ਰਾਪਰਟੀਜ਼ – ਮੇਥੀ ਦਾਣਾ ਵਾਲਾਂ ਨੂੰ ਕੁਦਰਤੀ ਤੌਰ ‘ਤੇ ਕੰਡੀਸ਼ਨ ਕਰ ਕੇ ਉਨ੍ਹਾਂ ਨੂੰ ਨਰਮ, ਚਮਕਦਾਰ ਤੇ ਸਿਲਕੀ ਬਣਾਉਂਦਾ ਹੈ।

ਰੂਸੀ ਦੂਰ ਕਰੇ – ਇਸ ਦੇ ਐਂਟੀ-ਫੰਗਲ ਗੁਣ ਡੈਂਡਰਫ ਤੇ ਖੁਜਲੀ ਨੂੰ ਜੜ੍ਹੋਂ ਖਤਮ ਕਰਦੇ ਹਨ।

ਕਿਵੇਂ ਤਿਆਰ ਕਰੀਏ ਜਾਦੂਈ ਤੇਲ?

4-5 ਚਮਚ ਸਰ੍ਹੋਂ ਦੇ ਤੇਲ ‘ਚ 2 ਚਮਚ ਮੇਥੀ ਦਾਣਾ ਮਿਲਾ ਕੇ ਗਰਮ ਕਰ ਲਓ। ਇਸ ਤੇਲ ਨੂੰ ਹਲਕਾ ਠੰਢਾ ਹੋਣ ਦਿਓ ਤੇ ਇਕ ਬੋਤਲ ‘ਚ ਭਰ ਕੇ ਰੱਖ ਲਓ। ਹਫ਼ਤੇ ਵਿਚ ਦੋ ਦਿਨ ਇਸ ਤੇਲ ਨਾਲ ਵਾਲਾਂ ਦੀ ਮਾਲਿਸ਼ ਕਰੋ।

ਇਸ ਤਰੀਕੇ ਨਾਲ, ਤੁਸੀਂ ਆਪਣੇ ਵਾਲਾਂ ਨੂੰ ਸੁੰਦਰਤਾ ਤੇ ਸਿਹਤ ਦੇ ਨਵੇਂ ਆਸਮਾਨ ‘ਤੇ ਪਹੁੰਚਾ ਸਕਦੇ ਹੋ।