ਜੇਕਰ ਤੁਸੀਂ ਅਕਸਰ ਟ੍ਰੇਨ ‘ਤੇ ਸਫ਼ਰ ਕਰਦੇ ਹੋ ਅਤੇ IRCTC ਜ਼ਰੀਏ ਆਨਲਾਈਨ ਟਿਕਟ ਬੁੱਕ ਕਰਦੇ ਹੋ ਤਾਂ ਇਹ ਖ਼ਬਰ ਤੁਹਾਡੇ ਲਈ ਬੇਹੱਦ ਮਹੱਤਵਪੂਰਨ ਹੈ। ਹਾਲ ਹੀ ‘ਚ IRCTC ਜਿਸਦਾ ਪੂਰਾ ਨਾਮ ਇੰਡੀਅਨ ਰੇਲਵੇ ਕੈਟਰਿੰਗ ਐਂਡ ਟੂਰਿਜ਼ਮ ਕਾਰਪੋਰੇਸ਼ਨ ਹੈ, ਨੇ ਆਪਣੇ ਟਿਕਟ ਬੁਕਿੰਗ ਨਿਯਮਾਂ ‘ਚ ਕੁਝ ਵੱਡੇ ਬਦਲਾਅ ਕੀਤੇ ਹਨ। ਹੁਣ, ਜੇਕਰ ਤੁਹਾਡਾ ਅਕਾਊਂਡਟ ਤੁਹਾਡੇ ਆਧਾਰ ਕਾਰਡ ਨਾਲ ਲਿੰਕ ਨਹੀਂ ਹੈ ਤਾਂ ਤੁਸੀਂ ਸਵੇਰ ਦੇ ਪੀਕ ਡਿਮਾਂਡ ਸਲਾਟ ‘ਚ ਟਿਕਟ ਬੁੱਕ ਨਹੀਂ ਕਰ ਸਕੋਗੇ।
ਇਹ ਨਵਾਂ ਨਿਯਮ ਪਿਛਲੇ ਮਹੀਨੇ ਤੋਂ ਲਾਗੂ ਹੋ ਗਿਆ ਹੈ। ਆਓ ਇਸ ਬਾਰੇ ਹੋਰ ਜਾਣਕਾਰੀ ਪ੍ਰਾਪਤ ਕਰੀਏ, ਅਤੇ ਫਿਰ ਅਸੀਂ ਤੁਹਾਨੂੰ ਦੱਸਾਂਗੇ ਕਿ ਤੁਸੀਂ ਆਪਣੇ ਮੋਬਾਈਲ ਫੋਨ ਦੀ ਵਰਤੋਂ ਕਰਕੇ ਆਪਣੇ IRCTC ਖਾਤੇ ਨੂੰ ਆਪਣੇ ਆਧਾਰ ਕਾਰਡ ਨਾਲ ਕਿਵੇਂ ਜੋੜ ਸਕਦੇ ਹੋ।
ਕੀ ਹੈ ਰੇਲਵੇ ਦਾ ਇਹ ਨਵਾਂ ਨਿਯਮ ?
ਅਸਲ ਵਿਚ ਪਿਛਲੇ ਮਹੀਨੇ ਰੇਲਵੇ ਨੇ ਇਕ ਨਵਾਂ ਨਿਯਮ ਲਾਗੂ ਕੀਤਾ ਸੀ, ਜਿਸ ਮੁਤਾਬਕ ਸਵੇਰੇ 8:00 ਵਜੇ ਤੋਂ 10:00 ਵਜੇ ਤਕ ਸਿਰਫ ਉਹੀ ਯਾਤਰੀ ਟਿਕਟ ਬੁੱਕ ਕਰ ਸਕਣਗੇ ਜਿਨ੍ਹਾਂ ਦਾ IRCTC ਅਕਾਊਂਟ ਆਧਾਰ ਨਾਲ ਵੈਰੀਫਾਈਡ ਹੈ। ਜਿਨ੍ਹਾਂ ਯਾਤਰੀਆਂ ਦਾ ਅਕਾਊਂਟ ਵੈਰੀਫਾਈਡ ਨਹੀਂ ਹੈ, ਉਹ 10:00 ਵਜੇ ਤੋਂ ਬਾਅਦ ਹੀ ਟਿਕਟ ਬੁੱਕ ਕਰ ਸਕਣਗੇ।
ਇਸ ਦਾ ਮਤਲਬ ਹੈ ਕਿ ਜੇਕਰ ਤੁਸੀਂ ਆਪਣੇ IRCTC ਅਕਾਊਂਟ ਨੂੰ ਆਧਾਰ ਨਾਲ ਜੋੜਿਆ ਨਹੀਂ ਹੈ ਤਾਂ ਤੁਹਾਨੂੰ ਕਨਫਰਮ ਟਿਕਟ ਮਿਲਣਾ ਮੁਸ਼ਕਲ ਹੋ ਸਕਦਾ ਹੈ। ਰੇਲਵੇ ਦਾ ਕਹਿਣਾ ਹੈ ਕਿ ਇਸ ਕਦਮ ਨਾਲ ਫਰਜ਼ੀ ਬੁੱਕਿੰਗ ਏਜੰਟਾਂ ਤੇ ਬੌਟਸ ਵੱਲੋਂ ਟਿਕਟਾਂ ਦੀ ਹੇਰਾਫੇਰੀ ਰੋਕੀ ਜਾਵੇਗੀ। ਇਨ੍ਹਾਂ ਦੋ ਘੰਟਿਆਂ ਲਈ, ਸਿਰਫ ਵੈਰੀਫਾਈਡ ਯੂਜ਼ਰਜ਼ ਨੂੰ ਹੀ ਟ੍ਰੇਨ ਟਿਕਟ ਬੁੱਕ ਕਰਨ ਦੀ ਇਜਾਜ਼ਤ ਹੋਵੇਗੀ ਤੇ ਉਹ ਆਸਾਨੀ ਨਾਲ ਟਿਕਟ ਲੈ ਸਕਣਗੇ।
ਕਿਵੇਂ ਆਧਾਰ ਨੂੰ IRCTC ਅਕਾਊਂਟ ਨਾਲ ਲਿੰਕ ਕਰੀਏ ?
ਇਸ ਲਈ ਸਭ ਤੋਂ ਪਹਿਲਾਂ www.irctc.co.in ‘ਤੇ ਜਾਓ ਅਤੇ ਆਪਣੇ ਅਕਾਊਂਟ ‘ਚ ਲੌਗ-ਇਨ ਕਰੋ।
ਫਿਰ ‘My Profile’ ਸੈਕਸ਼ਨ ‘ਚ ਜਾਓ।
ਇੱਥੇ ਤੁਹਾਨੂੰ ‘Authenticate Aadhaar’ ਦੀ ਆਪਸ਼ਨ ਦਿਖਾਈ ਦੇਵੇਗੀ, ਇਸ ‘ਤੇ ਕਲਿਕ ਕਰੋ।
ਹੁਣ ਆਪਣਾ Aadhaar ਨੰਬਰ ਜਾਂ Virtual ID ਭਰੋ।
ਇੰਨਾ ਕਰਨ ‘ਤੇ ਤੁਹਾਡੇ ਰਜਿਸਟਰਡ ਮੋਬਾਈਲ ਨੰਬਰ ‘ਤੇ OTP ਆਵੇਗਾ, ਉਸਨੂੰ ਦਰਜ ਕਰੋ ਤੇ Submit ‘ਤੇ ਕਲਿਕ ਕਰੋ।
ਬੱਸ, ਇਨ੍ਹਾਂ 5 ਸਟੈੱਪਸ ਨੂੰ ਫਾਲੋ ਕਰਨ ਤੋਂ ਬਾਅਦ ਤੁਹਾਡਾ IRCTC ਅਕਾਊਂਟ ਆਧਾਰ ਨਾਲ ਵੈਰੀਫਾਈਡ ਹੋ ਜਾਵੇਗਾ ਅਤੇ ਤੁਸੀਂ ਬਿਨਾਂ ਕਿਸੇ ਰੁਕਾਵਟ ਦੇ ਹਰ ਸਮੇਂ ਵਿਚ ਆਸਾਨੀ ਨਾਲ ਟਿਕਟ ਬੁੱਕ ਕਰ ਸਕੋਗੇ।
More Stories
ਸਾਊਦੀ ਅਰਬ ‘ਚ ਪੰਜਾਬੀ ਡਰਾਈਵਰ ਨੂੰ ਮੌਤ ਦੀ ਸਜ਼ਾ, ਬਚਾਉਣ ਲਈ ਮੈਦਾਨ ‘ਚ ਨਿੱਤਰੇ ਦਿ ਗ੍ਰੇਟ ਖਲੀ ਤੇ ਦਿਲਜੀਤ ਦੋਸਾਂਝ
ਯਮੁਨਾ ਐਕਸਪ੍ਰੈਸਵੇਅ ਤੇ ਚੱਲਦੀ ਸਲੀਪਰ ਬੱਸ ਬਣੀ ਅੱਗ ਦਾ ਗੋਲਾ, 9 ਯਾਤਰੀਆਂ ਦੀ ਮੌਤ
National Film Awards : ਕਾਰਤਿਕ-ਯਾਮੀ ਨੂੰ ਸ਼ਾਨਦਾਰ ਅਦਾਕਾਰੀ ਲਈ ਰਾਸ਼ਟਰਪਤੀ ਤੋਂ ਮਿਲਿਆ ਐਵਾਰਡ