ਜਲੰਧਰ, 11 ਦਸੰਬਰ (ਰਮੇਸ਼ ਗਾਬਾ): ਜਿੱਥੇ ਦੇਸ਼ ਭਰ ਵਿੱਚ ਇੰਡੀਗੋ (IndiGo) ਦੀਆਂ ਕਈ ਫਲਾਈਟਾਂ ਰੱਦ ਹੋਣ ਕਾਰਨ ਯਾਤਰੀਆਂ ਨੂੰ ਭਾਰੀ ਪ੍ਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ, ਉੱਥੇ ਹੀ ਜਲੰਧਰ ਦੇ ਆਦਮਪੁਰ ਏਅਰਪੋਰਟ (Adampur Airport) ‘ਤੇ ਸਥਿਤੀ ਬਿਲਕੁਲ ਵੱਖਰੀ ਹੈ। ਇੱਥੇ ਇੰਡੀਗੋ ਦੀਆਂ ਉਡਾਣਾਂ ਸਮੇਂ ‘ਤੇ ਚੱਲ ਰਹੀਆਂ ਹਨ, ਜਿਸ ਕਾਰਨ ਯਾਤਰੀਆਂ ਨੇ ਨਾ ਸਿਰਫ਼ ਏਅਰਪੋਰਟ ਪ੍ਰਸ਼ਾਸਨ ਦੀ ਤਾਰੀਫ਼ ਕੀਤੀ, ਸਗੋਂ ਇਹ ਵੀ ਦੱਸਿਆ ਕਿ ਪਹਿਲਾਂ ਇੰਡੀਗੋ ਨਾਲ ਜੁੜੇ ਤਕਨੀਕੀ ਜਾਂ ਸ਼ਡਿਊਲ ਸਬੰਧੀ ਜੋ ਮੁੱਦੇ ਆ ਰਹੇ ਸਨ, ਉਹ ਹੁਣ ਪੂਰੀ ਤਰ੍ਹਾਂ ਖ਼ਤਮ ਹੋ ਚੁੱਕੇ ਹਨ।
ਸਮੱਸਿਆ ਹੱਲ, ਫਲਾਈਟ ਸਮੇਂ ‘ਤੇ
ਆਦਮਪੁਰ ਏਅਰਪੋਰਟ ਪਹੁੰਚੀ ਇੱਕ ਵਿਦਿਆਰਥਣ ਨੇ ਦੱਸਿਆ ਕਿ ਕੁਝ ਸਮਾਂ ਪਹਿਲਾਂ ਉਸ ਨੂੰ ਇੰਡੀਗੋ ਦੀ ਫਲਾਈਟ ਨਾਲ ਜੁੜੀ ਇੱਕ ਸਮੱਸਿਆ ਆਈ ਸੀ, ਜਿਸ ਕਾਰਨ ਉਸ ਦੇ ਇਮਤਿਹਾਨ ‘ਤੇ ਵੀ ਅਸਰ ਪੈਣ ਦਾ ਡਰ ਸੀ। ਪਰ ਉਸ ਮੁਤਾਬਕ, “ਹੁਣ ਉਹ ਸਮੱਸਿਆ ਹੱਲ ਹੋ ਗਈ ਹੈ ਅਤੇ ਫਲਾਈਟ ਸਮੇਂ ਸਿਰ ਮਿਲ ਰਹੀ ਹੈ।”
ਕ੍ਰਾਈਸਿਸ’ ਦੀ ਚਿੰਤਾ ਖਤਮ
ਮੁੰਬਈ ਜਾ ਰਹੇ ਇੱਕ ਹੋਰ ਵਿਦਿਆਰਥੀ ਨੇ ਦੱਸਿਆ ਕਿ ਉਹ ਇੱਕ ਮੁਕਾਬਲਾ ਜਿੱਤ ਕੇ ਪਰਤੇ ਹਨ ਅਤੇ ਪਹਿਲਾਂ ਉਹ ਇੰਡੀਗੋ ਦੇ ਚੱਲ ਰਹੇ ‘ਕ੍ਰਾਈਸਿਸ’ ਨੂੰ ਲੈ ਕੇ ਕਾਫ਼ੀ ਚਿੰਤਤ ਸਨ। ਪਰ ਉਸ ਨੇ ਰਾਹਤ ਮਹਿਸੂਸ ਕਰਦਿਆਂ ਕਿਹਾ ਕਿ ਆਦਮਪੁਰ ਤੋਂ ਉਸ ਦੀ ਉਡਾਣ ਬਿਨਾਂ ਕਿਸੇ ਦੇਰੀ ਦੇ ਸੁਚਾਰੂ ਢੰਗ ਨਾਲ ਚੱਲ ਰਹੀ ਹੈ, ਜਿਸ ਨਾਲ ਉਨ੍ਹਾਂ ਨੂੰ ਵੱਡੀ ਰਾਹਤ ਮਿਲੀ ਹੈ।
ਏਅਰਪੋਰਟ ਪ੍ਰਸ਼ਾਸਨ ਦੀ ਸ਼ਲਾਘਾ
ਇੰਡੀਗੋ ਦੀਆਂ ਉਡਾਣਾਂ ਰੱਦ ਹੋਣ ਕਾਰਨ ਜਿੱਥੇ ਦੇਸ਼ ਦੇ ਕਈ ਹਿੱਸਿਆਂ ਵਿੱਚ ਯਾਤਰੀਆਂ ਨੂੰ ਭਾਰੀ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ, ਉੱਥੇ ਆਦਮਪੁਰ ਏਅਰਪੋਰਟ ‘ਤੇ ਸਥਿਤੀ ਪੂਰੀ ਤਰ੍ਹਾਂ ਸ਼ਾਂਤ ਅਤੇ ਸੁਚਾਰੂ ਹੈ। ਇੱਥੇ ਇੰਡੀਗੋ ਦੀਆਂ ਸਮੇਂ ਸਿਰ ਉਡਾਣਾਂ ਅਤੇ ਵਧੀਆ ਪ੍ਰਬੰਧਾਂ ਨੂੰ ਲੈ ਕੇ ਯਾਤਰੀਆਂ ਨੇ ਏਅਰਪੋਰਟ ਪ੍ਰਸ਼ਾਸਨ ਦੀ ਖੁੱਲ੍ਹ ਕੇ ਸ਼ਲਾਘਾ ਕੀਤੀ ਹੈ।
ਯਾਤਰੀਆਂ ਦੀ ਆਵਾਜਾਈ ਸਥਿਰ
10 ਦਸੰਬਰ 2025 ਨੂੰ ਆਦਮਪੁਰ ਏਅਰਪੋਰਟ ‘ਤੇ ਯਾਤਰੀਆਂ ਦੀ ਆਵਾਜਾਈ ਆਮ ਅਤੇ ਸੁਚਾਰੂ ਰਹੀ। ਅੰਕੜਿਆਂ ਮੁਤਾਬਕ, ਇਸ ਦਿਨ ਕੁੱਲ 160 ਯਾਤਰੀ ਆਦਮਪੁਰ ਪਹੁੰਚੇ ਜਦਕਿ 154 ਯਾਤਰੀਆਂ ਨੇ ਇੱਥੋਂ ਪ੍ਰਸਥਾਨ ਕੀਤਾ।
ਇਹ ਅੰਕੜੇ ਦਰਸਾਉਂਦੇ ਹਨ ਕਿ ਏਅਰਪੋਰਟ ‘ਤੇ ਉਡਾਣਾਂ ਨਿਯਮਤ ਤੌਰ ‘ਤੇ ਜਾਰੀ ਹਨ ਅਤੇ ਯਾਤਰੀਆਂ ਦੀ ਗਿਣਤੀ ਵੀ ਸਥਿਰ ਬਣੀ ਹੋਈ ਹੈ। ਯਾਤਰੀਆਂ ਦੀ ਲਗਾਤਾਰ ਵੱਧ ਰਹੀ ਆਵਾਜਾਈ ਇਹ ਸਾਬਤ ਕਰਦੀ ਹੈ ਕਿ ਆਦਮਪੁਰ ਏਅਰਪੋਰਟ ਇੰਡੀਗੋ ਦੀ ਵਧੀਆ ਸਰਵਿਸ ਅਤੇ ਸੁਚਾਰੂ ਸੰਚਾਲਨ ਦੇ ਕਾਰਨ ਯਾਤਰੀਆਂ ਦਾ ਭਰੋਸਾ ਜਿੱਤ ਰਿਹਾ ਹੈ।
More Stories
ਜਲੰਧਰ ‘ਚ ਸ੍ਰੀ ਬਾਬਾ ਸੋਢਲ ਮੇਲੇ ਦੀਆਂ ਰੌਣਕਾਂ, ਲੱਖਾਂ ਸ਼ਰਧਾਲੂ ਹੋਣਗੇ ਨਤਮਸਤਕ; ਜਾਣੋ ਇਤਿਹਾਸ
📰 30 ਸਤੰਬਰ ਤੱਕ ਪ੍ਰਾਪਰਟੀ ਟੈਕਸ ਵਸੂਲੀ ’ਤੇ ਨਗਰ ਨਿਗਮ ਦਾ ਫੋਕਸ, 10% ਰਿਆਇਤ ਦਾ ਲਾਭ ਲੈਣ ਦੀ ਅਪੀਲ
ਜਲੰਧਰ ’ਚ HSRP ਤੋਂ ਬਿਨਾਂ ਵਾਹਨਾਂ ਨੂੰ ਪੈਟਰੋਲ-ਡੀਜ਼ਲ ਨਹੀਂ ਮਿਲੇਗਾ