ਮਾਨਵਤਾ ਦੀ ਸੇਵਾ: ‘ਤੇਰਾ ਤੇਰਾ ਹੱਟੀ’ ਦੇ ਕੈਂਪ ‘ਚ 117 ਮਰੀਜ਼ਾਂ ਦੀਆਂ ਅੱਖਾਂ ਅਤੇ 60 ਦਾ ਹੱਡੀਆਂ ਦਾ ਹੋਇਆ ਚੈੱਕਅਪ

ਜਲੰਧਰ, 23 ਦਸੰਬਰ :(ਰਮੇਸ਼ ਗਾਬਾ) ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੀ ‘ਤੇਰਾ ਤੇਰਾ ਹੱਟੀ’ ਵੱਲੋਂ ਮਾਨਵਤਾ ਦੀ ਸੇਵਾ ਨੂੰ ਸਮਰਪਿਤ ਸੱਤਵਾਂ ਵਿਸ਼ਾਲ ਮੈਡੀਕਲ ਕੈਂਪ ਲਗਾਇਆ ਗਿਆ। ਇਸ ਮੌਕੇ ਗੁਰਦੀਪ ਸਿੰਘ ਕਾਰਵਾਂ, ਤਰਵਿੰਦਰ ਸਿੰਘ ਰਿੰਕੂ ਅਤੇ ਪਰਮਜੀਤ ਸਿੰਘ ਨੇ ਦੱਸਿਆ ਕਿ ਕੈਂਪ ਦੀ ਸ਼ੁਰੂਆਤ ਸ੍ਰੀ ਸੁਖਮਨੀ ਸਾਹਿਬ ਜੀ ਦੇ ਪਾਠ ਅਤੇ ਸ਼ਬਦ ਕੀਰਤਨ ਨਾਲ ਹੋਈ, ਜਿਸ ਉਪਰੰਤ ਸਰਬੱਤ ਦੇ ਭਲੇ ਦੀ ਅਰਦਾਸ ਕੀਤੀ ਗਈ।

ਕੈਂਪ ਦੀਆਂ ਮੁੱਖ ਵਿਸ਼ੇਸ਼ਤਾਵਾਂ:

ਕੈਂਪ ਦੌਰਾਨ ਹੱਡੀਆਂ, ਅੱਖਾਂ ਦੀ ਜਾਂਚ ਅਤੇ ਖੂਨ ਦੇ ਟੈਸਟ ਬਿਲਕੁਲ ਮੁਫ਼ਤ ਕੀਤੇ ਗਏ। ਡਾਕਟਰੀ ਸੇਵਾਵਾਂ ਵਿੱਚ ਡਾ. ਮਨਪ੍ਰੀਤ ਸਿੰਘ, ਸੁਸ਼ੀਲ ਕੁਮਾਰ, ਬਲਜੀਤ ਸਿੰਘ, ਨੇਹਾ ਅਤੇ ਅਰੁਣ ਰਾਠੌਰ ਨੇ ਅਹਿਮ ਭੂਮਿਕਾ ਨਿਭਾਈ।

• ਅੱਖਾਂ ਦੀ ਜਾਂਚ: ਡਾ. ਰਵਨੀਤ ਦੀ ਅਗਵਾਈ ਹੇਠ 117 ਮਰੀਜ਼ਾਂ ਦੀਆਂ ਅੱਖਾਂ ਦੀ ਜਾਂਚ ਕੀਤੀ ਗਈ, ਜਿਨ੍ਹਾਂ ਵਿੱਚੋਂ 100 ਮਰੀਜ਼ਾਂ ਨੂੰ ਮੁਫ਼ਤ ਆਪ੍ਰੇਸ਼ਨ ਲਈ ਚੁਣਿਆ ਗਿਆ।

• ਹੱਡੀਆਂ ਦਾ ਚੈੱਕਅਪ: ਲਗਭਗ 60 ਮਰੀਜ਼ਾਂ ਨੇ ਹੱਡੀਆਂ ਦੇ ਮਾਹਿਰਾਂ ਤੋਂ ਆਪਣੀ ਜਾਂਚ ਕਰਵਾਈ।

• ਖੂਨਦਾਨ ਕੈਂਪ: ਕੈਂਪ ਵਿੱਚ ਤਕਰੀਬਨ 40 ਨੌਜਵਾਨਾਂ ਨੇ ਖੂਨਦਾਨ ਕੀਤਾ। ਇਸ ਮੌਕੇ ਬੁਲਾਰਿਆਂ ਨੇ ਕਿਹਾ ਕਿ ਖੂਨਦਾਨ ਇੱਕ ‘ਮਹਾਂਦਾਨ’ ਹੈ ਅਤੇ ਸਾਡੇ ਵੱਲੋਂ ਦਿੱਤਾ ਖੂਨ ਕਿਸੇ ਲੋੜਵੰਦ ਦੀ ਜਾਨ ਬਚਾਉਣ ਵਿੱਚ ਸਹਾਈ ਹੋ ਸਕਦਾ ਹੈ।

ਇਸ ਨੇਕ ਕਾਰਜ ਵਿੱਚ ਸਾਬਕਾ ਸੰਸਦ ਮੈਂਬਰ ਸੁਸ਼ੀਲ ਰਿੰਕੂ, ਮੇਅਰ ਵਨੀਤ ਧੀਰ, ਮਨਜੀਤ ਸਿੰਘ ਟੀਟੂ ਅਤੇ ਕੌਂਸਲਰ ਚੰਦਰਜੀਤ ਕੌਰ ਸੰਧਾ ਵਿਸ਼ੇਸ਼ ਤੌਰ ‘ਤੇ ਪਹੁੰਚੇ। ਇਸ ਤੋਂ ਇਲਾਵਾ ਡਾ. ਸੀਮਾ ਅਰੋੜਾ, ਡਾ. ਸੰਜੀਵ ਗੋਇਲ ਅਤੇ ਡਾ. ਰੇਖਾ ਨੇ ਵੀ ਸ਼ਿਰਕਤ ਕੀਤੀ।

ਕੈਂਪ ਨੂੰ ਸਫ਼ਲ ਬਣਾਉਣ ਵਿੱਚ ‘ਤੇਰਾ ਤੇਰਾ ਹੱਟੀ’ ਦੇ ਮੁੱਖ ਸੇਵਾਦਾਰ ਤਰਵਿੰਦਰ ਸਿੰਘ ਰਿੰਕੂ, ਗੁਰਦੀਪ ਸਿੰਘ ਕਾਰਵਾਂ, ਪਰਮਜੀਤ ਸਿੰਘ ਰੰਗਪੁਰੀ ਅਤੇ ਜਸਵਿੰਦਰ ਸਿੰਘ ਬਵੇਜਾ ਸਮੇਤ ਸਮੂਹ ਸੇਵਾਦਾਰਾਂ ਦਾ ਵਿਸ਼ੇਸ਼ ਯੋਗਦਾਨ ਰਿਹਾ।

0

0