ਮੁਹਾਲੀ ਅਦਾਲਤ ਦਾ ਵੱਡਾ ਫ਼ੈਸਲਾ: ਨਸ਼ਾ ਤਸਕਰੀ ਦੀ ਕਮਾਈ ਨੂੰ ਮੰਨਿਆ ‘ਅਪਰਾਧ ਦੀ ਕਮਾਈ’, ਮਨੀ ਲਾਂਡਰਿੰਗ ਕੇਸ ‘ਚ ਮੁਲਜ਼ਮ ਬਲਵਿੰਦਰ ਰਾਮ ਤਲਬ

ਈਡੀ ਨੇ ਇਹ ਸ਼ਿਕਾਇਤ ਮਨੀ ਲਾਂਡਰਿੰਗ ਐਕਟ ਦੀ ਧਾਰਾ 3 ਅਤੇ 4 ਤਹਿਤ ਦਾਇਰ ਕੀਤੀ ਸੀ। ਅਦਾਲਤ ਨੇ ਸੁਪਰੀਮ ਕੋਰਟ ਦੇ ਹਾਲੀਆ ਫ਼ੈਸਲੇ ਦਾ ਹਵਾਲਾ ਦਿੰਦਿਆਂ ਪਹਿਲਾਂ ਮੁਲਜ਼ਮ ਨੂੰ ਨੋਟਿਸ ਜਾਰੀ ਕੀਤਾ ਸੀ। ਨੋਟਿਸ ਤੋਂ ਬਾਅਦ ਬਲਵਿੰਦਰ ਰਾਮ ਆਪਣੇ ਵਕੀਲ ਰਾਹੀਂ ਅਦਾਲਤ ਵਿਚ ਪੇਸ਼ ਹੋਇਆ।

ਮਾਮਲੇ ਅਨੁਸਾਰ 20 ਫਰਵਰੀ 2019 ਨੂੰ ਮਾਨਸਾ ਜ਼ਿਲ੍ਹੇ ਦੇ ਪਿੰਡ ਖੇੜਾ ਕਲਾਂ ਨੇੜੇ ਪੁਲਿਸ ਨੇ ਇਕ ਮਾਰੂਤੀ ਜ਼ੈਨ ਕਾਰ ਵਿਚੋਂ ਟਰਾਮਾਡੋਲ ਗੋਲੀਆਂ, ਬੁਪ੍ਰੇਨੋਰਫਿਨ ਅਤੇ ਫੇਨਰਗਨ ਇੰਜੈਕਸ਼ਨ ਬਰਾਮਦ ਕੀਤੇ ਸਨ। ਮੌਕੇ ਤੋਂ ਬਲਵਿੰਦਰ ਰਾਮ ਫ਼ਰਾਰ ਹੋ ਗਿਆ ਸੀ, ਜਦਕਿ ਦੋ ਹੋਰ ਨੌਜਵਾਨਾਂ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਸੀ। ਬਾਅਦ ਵਿੱਚ 14 ਸਤੰਬਰ 2019 ਨੂੰ ਪੁਲਿਸ ਨੇ ਉਸ ਨੂੰ ਗ੍ਰਿਫ਼ਤਾਰ ਕਰਕੇ ਹੋਰ ਨਸ਼ੀਲਾ ਪਦਾਰਥ ਵੀ ਬਰਾਮਦ ਕੀਤਾ।