ਦੁਨੀਆ ’ਚ ਪਹਿਲੀ ਵਾਰ ਬਿਨਾਂ ਸਿਲੀਕਾਨ ਦੇ ਬਣਾਇਆ ਕੰਪਿਊਟਰ, ਇਲੈਕਟ੍ਰਾਨਿਕਸ ਦੀ ਨਵੀਂ ਪੀੜ੍ਹੀ ਲਈ ਰੋਡਮੈਪ ਹੈ ਸੀਐੱਮਓਐੱਸ ਕੰਪਿਊਟਰ

ਪੈਨਸਿਲਵਾਨੀਆ ਸਟੇਟ ਯੂਨੀਵਰਸਿਟੀ (ਪੈਨ ਸਟੇਟ) ’ਚ ਇੰਜੀਨੀਅਰਿੰਗ ਵਿਗਿਆਨ ਅਤੇ ਮਸ਼ੀਨਰੀ ਦੇ ਪ੍ਰੋਫੈਸਰ ਅਤੇ ਖੋਜ ਦੇ ਮੁਖੀ ਖੋਜਕਰਤਾ ਸਪਤਰਿਸ਼ੀ ਦਾਸ ਨੇ ਦੱਸਿਆ,‘ਸਾਡੀ ਖੋਜ ਮੀਲ ਦਾ ਪੱਥਰ ਹੈ ਕਿਉਂਕਿ ਇਹ ਦਰਸਾਉਂਦਾ ਹੈ ਕਿ ਇਕ ਦਿਨ ਸਿਲੀਕਾਨ ਨੂੰ ਬਦਲਣਾ ਸੰਭਵ ਹੈ।’

ਇਲੈਕਟ੍ਰਾਨਿਕ ਸਰਕਟ ਡਿਜ਼ਾਇਨ ਕਰਨ ’ਚ ਪੂਰਕ ਧਾਤੂ ਆਕਸਾਈਡ ਅਰਧਚਾਲਕ ਜਾਂ ਸੀਐੱਮਓਐੱਸ ਦਾ ਵਿਆਪਕ ਤੌਰ ’ਤੇ ਇਸਤੇਮਾਲ ਕੀਤਾ ਗਿਆ ਹੈ। ਇਹ ਘੱਟ ਬਿਜਲੀ ਦੀ ਖਪਤ ਕਰਦਾ ਹੈ। ਇਸ ਪ੍ਰਾਪਤੀ ਨਾਲ ਨਾ ਸਿਰਫ ਸਿਲੀਕਾਨ ਦੇ ਬਦਲ ਦੀ ਉਮੀਦ ਜਗੀ ਹੈ ਸਗੋਂ ਇਹ ਹੋਰ ਵੀ ਛੋਟੇ ਇਲੈਕਟ੍ਰਾਨਿਕਸ ਦੀ ਇਕ ਨਵੀਂ ਪੀੜ੍ਹੀ ਲਈ ਰੋਡਮੈਪ ਵੀ ਹੈ। ਖੋਜਕਰਤਾ ਸੁਬੀਰ ਘੋਸ਼ ਦੱਸਦੇ ਹਨ ਕਿ ਅਸੀਂ ਆਪਣੇ ਅਰਧ ਚਾਲਕ ਉਪਕਰਣਾਂ ਨੂੰ ਬਣਾਉਣ ਲਈ ਮੋਲੀਬਡਨੇਮ ਡਾਇਸਲਫਾਈਡ ਅਤੇ ਟੰਗਸਟਨ ਡਾਈਸੇਲੇਨਾਈਡ ਦੀ ਵਰਤੋਂ ਕੀਤੀ ਹੈ। ਤੁਸੀਂ ਇਸ ਸਮੱਗਰੀ ਨੂੰ ਦੋ ਇੰਚ ਦੇ ਵੱਡੇ ਵੈਫਰ ’ਤੇ ਤਿਆਰ ਕਰ ਸਕਦੇ ਹੋ।