ਸੀਟੀ ਇੰਸਟੀਚਿਊਟ, ਸ਼ਾਹਪੁਰ ਦੇ ਐਨਸੀਸੀ ਕੈਂਪ ਵਿੱਚ ਛਾਇਆ ਦੇਸ਼ ਦੀ ਸੰਸਕ੍ਰਿਤੀ ਦਾ ਰੰਗ

ਜਲੰਧਰ, 11 ਜੁਲਾਈ (ਰਮੇਸ਼ ਗਾਬਾ) ਸੀਟੀ ਇੰਸਟੀਚਿਊਟ, ਸ਼ਾਹਪੁਰ ‘ਚ ਚੱਲ ਰਿਹਾ 10 ਦਿਨਾਂ ਐਨਸੀਸੀ ਕੈਂਪ ਹੁਣ ਆਪਣੇ ਸਮਾਪਨ ਵੱਲ ਵਧ ਰਿਹਾ ਹੈ। ਇਸ ਐਨਸੀਸੀ ਕੈਂਪ ਵਿੱਚ 5 ਏਐਨਓ ਅਤੇ 30 ਫੌਜੀ ਟ੍ਰੇਨਰਾਂ ਦੀ ਮਦਦ ਨਾਲ 590 ਕੇਡਟਸ ਐਨਸੀਸੀ ਦੀ ਸਖ਼ਤ ਸਿਖਲਾਈ ਲੈ ਰਹੇ ਹਨ। ਕੈਂਪ ਕਮਾਂਡੈਂਟ, ਕਰਨਲ ਵਿਨੋਦ ਜੋਸ਼ੀ ਨੇ ਦੱਸਿਆ ਕਿ ਕੈਂਪ ਵਿੱਚ ਹਥਿਆਰਾਂ ਨਾਲ ਫਾਇਰਿੰਗ ਦੀ ਪ੍ਰੈਕਟਿਸ, ਡ੍ਰਿੱਲ, ਟੀਮ ਭਾਵਨਾ ਨਾਲ ਖੇਡਾਂ ਤੋਂ ਇਲਾਵਾ ਵਾਦ-ਵਿਵਾਦ ਮੁਕਾਬਲੇ ਅਤੇ ਤਤਕਾਲ ਭਾਸ਼ਣ ਰਾਹੀਂ ਕੇਡਟਸ ਨੂੰ ਇੱਕ ਅਨੁਸ਼ਾਸਿਤ ਅਤੇ ਜ਼ਿੰਮੇਵਾਰ ਨਾਗਰਿਕ ਬਣਾਉਣ ਦੀ ਪ੍ਰਕਿਰਿਆ ਜਾਰੀ ਹੈ। ਕੈਂਪ ਵਿੱਚ ਲੈਫਟੀਨੈਂਟ ਕੁਲਦੀਪ ਸ਼ਰਮਾ ਨੇ ਨੀਤੀ ਅਤੇ ਨੀਤੀ-ਸ਼ਾਸਤਰ, ਸੈਕੈਂਡ ਅਫ਼ਸਰ ਦੀਪਿਕਾ ਦੁਆ ਨੇ ਐਨਸੀਸੀ ਸੰਗਠਨ ਅਤੇ ਸੁਬੇਦਾਰ ਰਜਿੰਦਰ ਸਿੰਘ ਨੇ ਬੈਟਲ ਫਾਰਮੇਸ਼ਨ ‘ਤੇ ਆਪਣੇ ਲੈਕਚਰ ਰਾਹੀਂ ਕੇਡਟਸ ਨੂੰ ਵਿਸਥਾਰ ਨਾਲ ਜਾਣਕਾਰੀ ਦਿੱਤੀ। ਕੈਂਪ ਵਿੱਚ ਡ੍ਰਿੱਲ ਸਦਾ ਤੋਂ ਹੀ ਖਾਸ ਆਕਰਸ਼ਣ ਦਾ ਕੇਂਦਰ ਰਹੀ ਹੈ।

ਪਿਛਲੇ ਕਈ ਦਿਨਾਂ ਤੋਂ ਕੇਡਟਸ ਇਸ ਡ੍ਰਿੱਲ ਮੁਕਾਬਲੇ ਲਈ ਦਿਨ ਰਾਤ ਸਖ਼ਤ ਮੇਹਨਤ ਕਰ ਰਹੇ ਸਨ। ਕੈਂਪ ਦੇ ਨੌਵੇਂ ਦਿਨ ਜਦੋਂ ਜੂਨੀਅਰ ਅਤੇ ਸੀਨੀਅਰ ਡਿਵੀਜ਼ਨ ਦੇ ਕੇਡਟਸ ਫੁੱਟ ਡ੍ਰਿੱਲ ਅਤੇ ਵੇਪਨ ਡ੍ਰਿੱਲ ਮੁਕਾਬਲੇ ਲਈ ਮੈਦਾਨ ਵਿੱਚ ਉਤਰੇ, ਤਾਂ ਇਸ ਨੂੰ ਦੇਖਣ ਲਈ ਏਅਰ ਵਿੰਗ ਦੇ ਕੇਡਟਸ ਦੇ ਨਾਲ-ਨਾਲ ਸੀਟੀ ਪਬਲਿਕ ਸਕੂਲ ਮਕਸੂਦਾਂ ਅਤੇ ਸੀਟੀ ਵਰਲਡ ਸਕੂਲ, ਸ਼ਾਹਪੁਰ ਦੇ ਵਿਦਿਆਰਥੀ ਅਤੇ ਸਟਾਫ਼ ਮੇਂਬਰ ਵੀ ਖਾਸ ਤੌਰ ’ਤੇ ਪਹੁੰਚੇ। ਇਨ੍ਹਾਂ ਵਿਦਿਆਰਥੀਆਂ ਨੇ ਐਨਸੀਸੀ ਕੇਡਟਸ ਦੀ ਅਨੁਸ਼ਾਸਿਤ ਡ੍ਰਿੱਲ ਦੀ ਜੀਂਦੀ ਜਾਗਦੀ ਝਲਕ ਵੇਖੀ। ਸਖਤ ਅਤੇ ਰੋਮਾਂਚਕ ਮੁਕਾਬਲੇ ਤੋਂ ਬਾਅਦ ਕੇਡਟਸ ਨੂੰ ਆਪਣੇ ਡ੍ਰਿੱਲ ਕੌਸ਼ਲ ਦਾ ਇਨਾਮ ਕੈਂਪ ਕਮਾਂਡੈਂਟ ਕਰਨਲ ਵਿਨੋਦ ਜੋਸ਼ੀ ਦੇ ਹੱਥੋਂ ਮਿਲਿਆ। ਲਾਂਸ ਨਾਇਕ ਕਰਮ ਸਿੰਘ ਪਰਮਵੀਰ ਚੱਕਰ ਦੀ ਕੰਪਨੀ ਨੇ ਹੋਰ ਸਾਰੀਆਂ ਕੰਪਨੀਆਂ ਨੂੰ ਪਿੱਛੇ ਛੱਡ ਦਿੱਤਾ। ਜਿੱਥੇ ਕੇਡਟਸ ਪਿਛਲੇ 8-9 ਦਿਨਾਂ ਤੋਂ ਵੱਖ-ਵੱਖ ਐਨਸੀਸੀ ਗਤਿਵਿਧੀਆਂ ਲਈ ਪੂਰੀ ਮੇਹਨਤ ਕਰ ਰਹੇ ਸਨ, ਉਥੇ ਹੁਣ ਉਨ੍ਹਾਂ ਲਈ ਆਪਣੀ ਕਲਾ ਰਾਹੀਂ ਦੇਸ਼ ਦੀ ਸੰਸਕ੍ਰਿਤੀ ਨਾਲ ਜੁੜਨ ਦਾ ਮੌਕਾ ਸੀ। ਇਸ ਲਈ ਕੈਂਪ ਦੇ ਨੌਵੇਂ ਦਿਨ ਇੱਕ ਰੰਗਾਰੰਗ ਸੰਸਕ੍ਰਿਤਿਕ ਪ੍ਰੋਗਰਾਮ ਆਯੋਜਿਤ ਕੀਤਾ ਗਿਆ। ਪ੍ਰੋਗਰਾਮ ਦੀ ਸ਼ੁਰੂਆਤ ਸ਼ਬਦ ਕੀਰਤਨ ਨਾਲ ਹੋਈ। ਕੇਡਟਸ ਦੇ ਭੰਗੜੇ ਅਤੇ ਗਿੱਧੇ ਨੇ ਤਾਂ ਮੰਚ ਤੇ ਚਾਰ ਚੰਦ ਲਗਾ ਦਿੱਤੇ। ਕੇਡਟ ਸ਼ੁਸ਼ਾਂਕ ਸਿੰਘ ਦੇ “ਸ਼ਿਵ ਤਾਂਡਵ” ਨੇ ਸਾਰੇ ਦਰਸ਼ਕਾਂ ਦੇ ਮਨ ਮੋਹ ਲਏ। ਇਸ ਸੰਸਕ੍ਰਿਤਿਕ ਪ੍ਰੋਗਰਾਮ ਵਿੱਚ ਸੀਟੀ ਗਰੁੱਪ ਦੇ ਚੇਅਰਮੈਨ ਦੀ ਧਰਮਪਤਨੀ ਸ੍ਰੀਮਤੀ ਪਰਮਿੰਦਰ ਕੌਰ, ਵਾਈਸ ਚੇਅਰਮੈਨ ਹਰਪ੍ਰੀਤ ਸਿੰਘ, ਐਮ.ਡੀ. ਮਨਵੀਰ ਸਿੰਘ ਅਤੇ ਡਾ. ਅਰਜੁਨ ਸਿੰਘ (ਡੀਨ, ਸਟੂਡੈਂਟ ਵੈਲਫੇਅਰ) ਵਿਸ਼ੇਸ਼ ਤੌਰ ’ਤੇ ਮੌਜੂਦ ਸਨ।

0

0