ਐਨ .ਆਰ.ੲਈ . ਵਿੰਗ ਕੀਤਾ ਸਥਾਪਿਤ ਕੁਲਦੀਪ ਚਾਹਲ(ਯੂ.ਕੇ)-ਪ੍ਰਧਾਨ ਤੇ ਕੁਲਵੰਤ ਰਾਏ-ਸਲਾਹਕਾਰ ਬਣਾਏ ਗਏ

ਗ੍ਰੇਟ ਸਪੋਰਟਜ਼ ਐਂਡ ਕਲਚਰਲ ਕਲੱਬ (ਇੰਡੀਆ) ਦੀ  ਮੀਟਿੰਗ ਸੱਫਲ ਹੋ ਨਿਬੜੀ

ਪ੍ਰਿੰ.ਡਾ.ਗੁਰਨਾਮ ਸਿੰਘ ਰਸੂਲਪੁਰ -ਮੁੱਖ -ਸਲਾਹਕਾਰ ਬਣਾਏ ਗਏ

ਜਲੰਧਰ (ਰਮੇਸ਼ ਗਾਬਾ) ਜਲੰਧਰ ਦੇ ਪਠਾਨਕੋਟ ਚੌਕ ਨਜ਼ਦੀਕ ਰਣਬੀਰ ਕਲਾਸਿਕ ਹੋਟਲ ਵਿਖੇ ਗ੍ਰੇਟ ਸਪੋਰਟਜ਼ ਐਂਡ ਕਲਚਰਲ ਕਲੱਬ (ਇੰਡੀਆ)  ਵਲੋਂ 9ਵੇਂ ਰਾਸ਼ਟਰੀ  ਸਨਮਾਨ ਸਮਾਰੋਹ ਦੇ ਸੱਫਲ ਅਯੋਜਨ ਲਈ ਅਹਿਮ ਮੀਟਿੰਗ ਹੋਈ।ਕਲੱਬ ਦੇ ਫਾਉਂਡਰ – ਰਾਸ਼ਟਰੀ ਪ੍ਰਧਾਨ ਨਵਦੀਪ ਸਿੰਘ  ਦੀ ਰਹਿਨੁਮਾਈ ਵਿਚ ਹੋਈ ਮੀਟਿੰਗ ਵਿਚ ਖੇਡ , ਸਿਖਿਆ, ਸਭਿਆਚਾਰਕ ਤੇ ਸਮਾਜ ਸੇਵੀ ਖੇਤਰ ਨਾਲ ਜੁੜੀਆਂ ਅਹਿਮ ਸ਼ਖ਼ਸੀਅਤਾਂ ਵਲੋਂ ਸ਼ਿਰਕਤ ਕੀਤੀ ਗਈ ਤੇ ਇਨ੍ਹਾਂ ਖੇਤਰਾਂ ਤਹਿਤ ਹੀ ਆਉਂਦੇ ਦਿਨੀਂ  ਦਿਤੇ ਜਾਣ ਵਾਲੇ ਸਨਮਾਨਾਂ ਬਾਰੇ ਵਿਉਂਤਬੰਦੀ ਬਣਾ ਪ੍ਰੋਗਰਾਮ ਉਲੀਕਿਆ ਗਿਆ।ਕਲੱਬ ਦੀ ਕੌਮੀ ਕਮੇਟੀ ਦੇ ਪੀ.ਆਰ.ਓ ਅਮਰਿੰਦਰ ਜੀਤ ਸਿੰਘ ਸਿੱਧੂ ਵਲੋਂ ਆਏ ਸੱਜਣਾਂ ਦਾ ਧੰਨਵਾਦ ਕਰਦਿਆਂ ਕਲੱਬ ਦੇ ਮਨਸੂਬਿਆਂ ਬਾਰੇ ਨਵੇਂ ਜੁੜੇ ਸਾਥੀਆਂ ਨੂੰ ਵੀ ਅਗਾਹ ਕਰ ਕੀਤੇ ਕੰਮਾਂ ਬਾਰੇ ਚਾਨਣਾ ਪਾਇਆ ਗਿਆ। ਉਨ੍ਹਾਂ ਦਸਿਆ ਕਿ ਜਲਦ ਹੀ ਸਨਮਾਨ ਸਮਾਰੋਹ ਦਾ ਦਿਨ, ਸਮਾਂ ਤੇ ਸਥਾਨ ਬਾਰੇ ਵੀ ਜਾਣਕਾਰੀ ਮੀਡੀਆ ਦੁਆਰਾ ਦਿੱਤੀ ਜਾਵੇਗੀ।  ਇਸ ਮੌਕੇ ਕਲੱਬ ਦੇ ਕੌਮੀ ਕਮੇਟੀ ਦੇ ਵਾਈਸ ਚੇਅਰਮੈਨ ਭਗਵੰਤ ਸਿੰਘ ਵਲੋਂ ਸਾਰੇ ਸੱਜਣਾਂ ਦੀ ਸਹਿਮਤੀ ਨਾਲ ਕਲੱਬ ਦੇ ਸੀ.ਮੀਤ ਪ੍ਰਧਾਨ  ਕੁਲਦੀਪ ਸਿੰਘ ਚਾਹਲ (ਯੂ.ਕੇ) ਨੂੰ ਐਨ.ਆਰ.ਆਈ ਵਿੰਗ ਦੇ ਸਰਪ੍ਰਸਤ ਕੁਲਵੰਤ ਰਾਏ (ਸਾਬਕਾ ਏ.ਆਈ.ਜੀ.) ਨੂੰ ਸਲਾਹਕਾਰ ਵਜੋਂ ਜੁਮੇਵਾਰੀ ਦੇ ਕਲੱਬ ਦੀ ਪ੍ਰਫੁੱਲਤਾ ਲਈ ਜੋੜਿਆ ਗਿਆ। ਜਦ ਕਿ ਪ੍ਰਿੰਸੀਪਲ ਡਾਕਟਰ ਗੁਰਨਾਮ ਸਿੰਘ ਰਸੂਲਪੁਰ ਨੂੰ ਕਲੱਬ ਦੇ ਮੁੱਖ ਸਲਾਹਕਾਰ ਵਜੋਂ ਮਾਣ ਬਖਸ਼ਣ ਦੀ  ਘੋਸ਼ਣਾ ਵੀ ਕੀਤੀ ਗਈ ।   ਕਲੱਬ ਦੇ ਨਵ-ਨਿਯੁਕਤ ਐਨ ਆਰ ਆਈ  ਵਿੰਗ ਪ੍ਰਧਾਨ ਚਾਹਲ  ਵਲੋਂ ਕਲੱਬ ਵਲੋਂ ਲਗਾਈ ਨਵੀਂ ਜੁਮੇਵਾਰੀ ਨੂੰ ਤਨਦੇਹੀ ਨਾਲ ਨਿਭਾਉਣ ਦਾ ਵਿਸ਼ਵਾਸ ਦਿਵਾਉਦੇ ਦਿਤੇ ਮਾਣ ਲਈ ਧੰਨਵਾਦ ਕੀਤਾ ਗਿਆ। ਮੀਟਿੰਗ ਦੇ ਅੰਤ ਵਿਚ ਕਲੱਬ ਦੇ ਕੌਮੀ ਪ੍ਰਧਾਨ ਨਵਦੀਪ ਸਿੰਘ ਸਹੋਤਾ ਵਲੋਂ ਮੀਟਿੰਗ ਦੇ ਸੱਫਲ ਅਯੋਜਨ ਲਈ ਆਪਦੇ ਰੁਝੇਵਿਆਂ ਚੋਂ ਕੀਮਤੀ ਸਮਾਂ ਕੱਢਕੇ ਕਲੱਬ ਨਾਲ ਨਵੇਂ ਜੁੜੇ ਸੱਜਣਾਂ, ਮੌਜੂਦ ਖੇਡ ਪ੍ਰੇਮੀਆਂ ਦਾ ਤਹਿ ਦਿਲੋਂ ਧੰਨਵਾਦ ਕੀਤਾ ਗਿਆ ਤੇ ਸੂਬਾ ਕਮੇਟੀ ਤੇ ਜਲੰਧਰ ਯੂਨਿਟ ਦੇ ਅਹੁਦੇਦਾਰਾਂ ਦੀ ਵੀ ਸ਼ਲਾਘਾ ਕੀਤੀ ਗਈ।ਜ਼ਿਕਰਯੋਗ ਹੈ ਕਿ ਇਸ ਮੌਕੇ ਕਲੱਬ ਸੂਬਾ ਪ੍ਰਧਾਨ ਇਕਬਾਲ ਸਿੰਘ ਰੰਧਾਵਾ, ਸਕੱਤਰ ਰਾਜੀਵ ਕੁਮਾਰ, ਉਪ ਚੇਅਰਮੈਨ ਸਰਬਜੀਤ ਸਿੰਘ ਹੈਰੀ , ਜਾਇੰਟ ਸਕੱਤਰ ਗੁਰਚਰਨ ਸਿੰਘ, ਉਘੇ ਖੇਡ ਪ੍ਰਮੋਟਰ ਤੇ ਲੇਖਕ ਜਤਿੰਦਰ ਸਿੰਘ ਸਾਬੀ ,  ਅਵਤਾਰ ਸਿੰਘ ਕਾਨਗੋ , ਸਤਪਾਲ ਸਿੰਘ ਮੁਣਸ਼ੀ ਤੇ ਹੋਰ ਨਾਮਵਰ ਸ਼ਖ਼ਸੀਅਤਾਂ ਵੀ ਹਾਜ਼ਰ ਸਨ।