Kidney Damage ਹੋਣ ‘ਤੇ ਸਕਿੰਨ ‘ਤੇ ਨਜ਼ਰ ਆਉਂਦੇ ਹਨ 8 ਲੱਛਣ, ਮਾਮੂਲੀ ਸਮਝ ਕੇ ਬਿਲਕੁਲ ਨਾ ਕਰਿਓ ਇਗਨੋਰ

ਬੇਹੱਦ ਡਰਾਈ ਸਕਿੰਨ

ਕਿਡਨੀ ਖਰਾਬ ਹੋਣ ‘ਤੇ ਸਰੀਰ ਤੋਂ ਟੌਕਸਿਨਸ ਠੀਕ ਤਰੀਕੇ ਨਾਲ ਬਾਹਰ ਨਹੀਂ ਨਿਕਲਦੇ, ਜਿਸ ਨਾਲ ਸਕਿੰਨ ‘ਚ ਖਾਰਸ਼ ਤੇ ਰੁੱਖਾਪਣ ਆਉਂਦਾ ਹੈ। ਇਸਨੂੰ ਯੂਰੇਮਿਕ ਪ੍ਰੁਰਿਟਸ ਵੀ ਕਿਹਾ ਜਾਂਦਾ ਹੈ। ਇਹ ਖੁਜਲੀ ਇੰਨੀ ਤੇਜ਼ ਹੋ ਸਕਦੀ ਹੈ ਕਿ ਰਾਤ ਨੂੰ ਨੀਂਦ ਵੀ ਖਰਾਬ ਹੋ ਜਾਵੇ।

ਖਰੋਂਚ ਦੇ ਨਿਸ਼ਾਨ

ਲਗਾਤਾਰ ਖਾਰਿਸ਼ ਕਰਨ ਨਾਲ ਸਕਿੰਨ ‘ਤੇ ਨਿਸ਼ਾਨ ਪੈ ਜਾਂਦੇ ਹਨ। ਕਈ ਵਾਰੀ ਸਕਿੰਨ ਲਾਲ ਹੋ ਕੇ ਜ਼ਖ਼ਮਾਂ ‘ਚ ਵੀ ਬਦਲ ਸਕਦੀ ਹੈ ਜਿਸ ਨਾਲ ਇਨਫੈਕਸ਼ਨ ਦਾ ਖ਼ਤਰਾ ਵਧ ਜਾਂਦਾ ਹੈ।

ਸਕਿੰਨ ਦਾ ਰੰਗ ਬਦਲਣਾ

ਕਿਡਨੀ ਦੀ ਬਿਮਾਰੀ ‘ਚ ਸਕਿੰਨ ਦਾ ਰੰਗ ਪੀਲਾ ਜਾਂ ਭੂਰਾ ਹੋ ਸਕਦਾ ਹੈ। ਕੁਝ ਮਾਮਲਿਆਂ ‘ਚ ਸਕਿੰਨ ‘ਤੇ ਕਾਲੇ ਜਾਂ ਚਿੱਟੇ ਧੱਬੇ ਦਿਖਾਈ ਦੇ ਸਕਦੇ ਹਨ, ਜੋ ਸਰੀਰ ‘ਚ ਟੌਕਸਿਨਸ ਦੇ ਜਮ੍ਹਾਂ ਕਾਰਨ ਹੁੰਦੇ ਹਨ।

ਸੋਜ਼ਿਸ਼

ਕਿਡਨੀ ਡੈਮੇਜ ਹੋਣ ‘ਤੇ ਸਰੀਰ ‘ਚ ਸੋਡੀਅਮ ਅਤੇ ਪਾਣੀ ਜੰਮਣ ਲੱਗਦਾ ਹੈ, ਜਿਸ ਨਾਲ ਪੈਰਾਂ, ਹੱਥਾਂ ਤੇ ਚਿਹਰੇ ‘ਤੇ ਸੋਜ਼ਿਸ਼ ਆ ਜਾਂਦੀ ਹੈ। ਇਸਨੂੰ ਐਡਿਮਾ ਕਿਹਾ ਜਾਂਦਾ ਹੈ।

ਰੈਸ਼ੇਜ਼

ਕਿਡਨੀ ਫੇਲੀਅਰ ਕਾਰਨ ਸਰੀਰ ‘ਚ ਯੂਰਿਕ ਐਸਿਡ ਤੇ ਹੋਰ ਟੌਕਸਿਨਸ ਵਧ ਜਾਂਦੇ ਹਨ, ਜਿਸ ਨਾਲ ਸਕਿੰਨ ‘ਤੇ ਰੈਸ਼ੇਜ ਹੋ ਸਕਦੇ ਹਨ। ਇਹ ਰੈਸ਼ੇਜ਼ ਖੁਜਲੀ ਕਾਰਨ ਵੀ ਹੋ ਸਕਦੇ ਹਨ।

ਛਾਲੇ

ਕੁਝ ਗੰਭੀਰ ਮਾਮਲਿਆਂ ‘ਚ ਸਕਿੰਨ ‘ਤੇ ਛਾਲੇ ਵੀ ਪੈ ਸਕਦੇ ਹਨ, ਜੋ ਫਲੂਇਡ ਨਾਲ ਭਰੇ ਹੁੰਦੇ ਹਨ। ਇਹ ਸਮੱਸਿਆ ਕੈਲਸੀਫਿਲੈਕਸਿਸ ਕੰਡੀਸ਼ਨ ਕਾਰਨ ਹੁੰਦੀ ਹੈ, ਜੋ ਕਿਡਨੀ ਫੇਲੀਅਰ ਦੇ ਮਰੀਜ਼ਾਂ ‘ਚ ਦੇਖੀ ਜਾਂਦੀ ਹੈ।

ਸਕਿੰਨ ਦਾ ਟਾਈਟ ਹੋਣਾ

ਕਿਡਨੀ ਡਿਜ਼ੀਜ਼ ਕਾਰਨ ਸਕਿੰਨ ‘ਚ ਇਲਾਸਟਿਸਿਟੀ ਘਟ ਜਾਂਦੀ ਹੈ ਤੇ ਸਕਿੰਨ ਇੰਨੀ ਟਾਈਟ ਹੋ ਸਕਦੀ ਹੈ ਕਿ ਉਸਨੂੰ ਚੁਟਕੀ ‘ਚ ਨਹੀਂ ਉਠਾਇਆ ਜਾ ਸਕਦਾ। ਇਹ ਲੱਛਣ ਸਰੀਰ ‘ਚ ਪਾਣੀ ਅਤੇ ਮਿਨਰਲਜ਼ ਦੇ ਅਸੰਤੁਲਨ ਕਾਰਨ ਹੁੰਦੇ ਹਨ।

ਸਕਿੰਨ ਦੇ ਹੇਠਾਂ ਕੈਲਸ਼ੀਅਮ ਜਮ੍ਹਾਂ ਹੋਣਾ

ਜਦੋਂ ਕਿਡਨੀ ਠੀਕ ਢੰਗ ਨਾਲ ਕੰਮ ਨਹੀਂ ਕਰਦੀ, ਤਾਂ ਸਰੀਰ ‘ਚ ਕੈਲਸ਼ੀਅਮ ਅਤੇ ਫਾਸਫੇਟ ਦਾ ਲੈਵਲ ਵਿਗੜ ਜਾਂਦਾ ਹੈ। ਇਸ ਨਾਲ ਸਕਿੰਨ ਦੇ ਹੇਠਾਂ ਸਫੈਦ ਜਾਂ ਪੀਲੇ ਰੰਗ ਦੇ ਹਾਰਡ ਡਿਪਾਜ਼ਿਟ ਬਣ ਸਕਦੇ ਹਨ, ਜਿਨ੍ਹਾਂ ਨੂੰ ਕੈਲਸੀਫਿਕੇਸ਼ਨ ਕਿਹਾ ਜਾਂਦਾ ਹੈ।