Achyut Potdar Death: ‘3 ਇਡੀਅਟਸ ਦੇ ਪ੍ਰੋਫੈਸਰ ਅਚਿਊਤ ਪੋਤਦਾਰ ਦਾ ਦੇਹਾਂਤ,300 ਤੋਂ ਵੱਧ ਫਿਲਮਾਂ ਫਿਲਮਾਂ ‘ਚ ਕੀਤਾ ਸੀ ਕੰਮ

ਫਿਲਮ ਅਤੇ ਟੈਲੀਵਿਜ਼ਨ ਜਗਤ ਤੋਂ ਇੱਕ ਬਹੁਤ ਹੀ ਦੁਖਦਾਈ ਖ਼ਬਰ ਸਾਹਮਣੇ ਆਈ ਹੈ। ਹਿੰਦੀ ਅਤੇ ਮਰਾਠੀ ਸਿਨੇਮਾ ਦੇ ਅਨੁਭਵੀ ਅਦਾਕਾਰ ਅਚਿਊਤ ਪੋਤਦਾਰ (Achyut Potdar) ਦਾ 91 ਸਾਲ ਦੀ ਉਮਰ ਵਿੱਚ ਦਿਹਾਂਤ ਹੋ ਗਿਆ ਹੈ। ਉਨ੍ਹਾਂ ਨੇ 18 ਅਗਸਤ 2025 (ਸੋਮਵਾਰ) ਨੂੰ ਮੁੰਬਈ ਦੇ ਠਾਣੇ ਵਿੱਚ ਸਥਿਤ ਜੁਪਿਟਰ ਹਸਪਤਾਲ ਵਿੱਚ ਅੰਤਿਮ ਸਾਂਹ ਲਈ। ਉਨ੍ਹਾਂ ਦੇ ਦੇਹਾਂਤ ਨਾਲ ਇੰਡਸਟਰੀ ਵਿੱਚ ਸੋਗ ਦੀ ਲਹਿਰ ਛਾ ਗਈ।

ਫਿਲਹਾਲ ਉਨ੍ਹਾਂ ਦੀ ਮੌਤ ਦਾ ਸਪਸ਼ਟ ਕਾਰਨ ਸਾਹਮਣੇ ਨਹੀਂ ਆਇਆ ਹੈ, ਪਰ ਪਰਿਵਾਰਕ ਸੂਤਰਾਂ ਅਨੁਸਾਰ ਉਹ ਪਿਛਲੇ ਕੁਝ ਸਮੇਂ ਤੋਂ ਸਿਹਤ ਸਮੱਸਿਆਵਾਂ ਨਾਲ ਜੂਝ ਰਹੇ ਸਨ। 19 ਅਗਸਤ ਯਾਨੀਕਿ ਅੱਜ ਠਾਣੇ ਵਿੱਚ ਉਨ੍ਹਾਂ ਦਾ ਅੰਤਿਮ ਸੰਸਕਾਰ ਕੀਤਾ ਜਾਵੇਗਾ।

ਸੈਨਾ ਤੋਂ ਸਿਨੇਮਾ ਤੱਕ ਦਾ ਪ੍ਰੇਰਣਾਦਾਇਕ ਸਫ਼ਰ

ਬਹੁਤ ਘੱਟ ਲੋਕ ਜਾਣਦੇ ਹਨ ਕਿ ਅਚਿਊਤ ਪੋਤਦਾਰ ਦਾ ਸ਼ੁਰੂਆਤੀ ਕਰੀਅਰ ਭਾਰਤੀ ਸੈਨਾ ਅਤੇ ਇੰਡਿਆ ਆਇਲ ਕਾਰਪੋਰੇਸ਼ਨ ਨਾਲ ਜੁੜਿਆ ਹੋਇਆ ਸੀ। ਇੱਕ ਪੇਸ਼ਾਵਰ ਅਤੇ ਅਨੁਸ਼ਾਸਿਤ ਜ਼ਿੰਦਗੀ ਬਤੀਤ ਕਰਨ ਤੋਂ ਬਾਅਦ ਉਨ੍ਹਾਂ ਨੇ 40 ਸਾਲ ਦੀ ਉਮਰ ਪਾਰ ਕਰਨ ਤੋਂ ਬਾਅਦ ਐਕਟਿੰਗ ਦੀ ਦੁਨੀਆ ਵਿੱਚ ਕਦਮ ਰੱਖਿਆ।

ਉਨ੍ਹਾਂ ਨੇ 1980 ਦੇ ਦਹਾਕੇ ਵਿੱਚ ਫਿਲਮਾਂ ਅਤੇ ਟੀਵੀ ਸ਼ੋਅਜ਼ ਨਾਲ ਆਪਣਾ ਕਰੀਅਰ ਸ਼ੁਰੂ ਕੀਤਾ ਅਤੇ ਜਲਦੀ ਹੀ ਸਹਾਇਕ ਭੂਮਿਕਾਵਾਂ ਵਿੱਚ ਵੀ ਆਪਣੀ ਡੂੰਘੀ ਛਾਪ ਛੱਡਣ ਲੱਗ ਪਏ। ਉਹ ਉਹਨਾਂ ਚੁਣਿੰਦੇ ਕਲਾਕਾਰਾਂ ਵਿੱਚੋਂ ਸਨ, ਜਿਨ੍ਹਾਂ ਦੀ ਮੌਜੂਦਗੀ ਕਿਸੇ ਵੀ ਸੀਨ ਨੂੰ ਗੰਭੀਰਤਾ ਅਤੇ ਵਜ਼ਨ ਦੇ ਦਿੰਦੀ ਸੀ।

ਫਿਲਮਾਂ ਵਿੱਚ ਬਹੁਮੁਖੀ ਅਭਿਨੈ

ਅਚਿਊਤ ਪੋਤਦਾਰ ਨੇ 300 ਤੋਂ ਵੱਧ ਫਿਲਮਾਂ ਅਤੇ ਕਈ ਟੀਵੀ ਸ਼ੋਆਂ ਵਿੱਚ ਕੰਮ ਕੀਤਾ। ਉਨ੍ਹਾਂ ਨੇ ਗੋਵਿੰਦ ਨਿਹਲਾਨੀ, ਵਿਧੂ ਵਿਨੋਦ ਚੋਪੜਾ, ਰਾਜਕੁਮਾਰ ਹੀਰਾਨੀ, ਸੂਰਜ ਬੜਜਾਤਿਆ ਅਤੇ ਰਾਮ ਗੋਪਾਲ ਵਰਮਾ ਵਰਗੇ ਵੱਡੇ ਨਿਰਦੇਸ਼ਕਾਂ ਨਾਲ ਕੰਮ ਕੀਤਾ।

ਉਨ੍ਹਾਂ ਦੀਆਂ ਮੁੱਖ ਫਿਲਮਾਂ ਵਿੱਚ ਸ਼ਾਮਲ ਹਨ:

ਆਕਰੋਸ਼, ਅਰਧ ਸਤਿਆ, ਤੇਜਾਬ, ਪਰਿੰਦਾ, ਰਾਜੂ ਬਣ ਗਿਆ ਜੈਂਟਲਮੈਨ

ਦਿਲਵਾਲੇ, ਰੰਗੀਲਾ, ਮ੍ਰਿਤਿਊਦੰਡ, ਇਸ਼ਕ, ਵਾਸਤਵ, ਹਮ ਸਾਥ ਸਾਥ ਹੈਂ

ਪਰਿਣੀਤਾ, ਲਗੇ ਰਹੋ ਮੁੰਨਾ ਭਾਈ, ਦਬੰਗ 2, ਵੈਂਟੀਲੇਟਰ ਆਦਿ।

‘3 ਇਡੀਅਟਸ’ ਦਾ ਡਾਇਲਾਗ ਬਣਿਆ ਪੌਪ ਕਲਚਰ ਦਾ ਹਿੱਸਾ

ਫਿਲਮ ‘3 ਇਡੀਅਟਸ’ ਵਿੱਚ ਉਨ੍ਹਾਂ ਨੇ ਇੱਕ ਸਖ਼ਤ ਅਤੇ ਉਲਝਣ ਵਾਲੇ ਪ੍ਰੋਫੈਸਰ ਦੀ ਭੂਮਿਕਾ ਨਿਭਾਈ ਸੀ। ਉਨ੍ਹਾਂ ਦਾ ਡਾਇਲਾਗ: “ਅਰੇ, ਆਖਿਰ ਕਹਿਣਾ ਕਿਆ ਚਾਹਤੇ ਹੋ?” ਅੱਜ ਵੀ ਮੀਮਜ਼ ਅਤੇ ਸੋਸ਼ਲ ਮੀਡੀਆ ‘ਤੇ ਬਹੁਤ ਵਾਇਰਲ ਹੁੰਦਾ ਹੈ। ਇਸ ਛੋਟੀ ਜਿਹੀ ਭੂਮਿਕਾ ਵਿੱਚ ਵੀ ਉਨ੍ਹਾਂ ਨੇ ਅਜਿਹਾ ਪ੍ਰਭਾਵ ਛੱਡਿਆ ਕਿ ਦਰਸ਼ਕ ਅੱਜ ਵੀ ਇਸ ਫਿਲਮ ਦਾ ਇਹ ਸੀਨ ਯਾਦ ਹੈ।

ਟੀਵੀ ‘ਤੇ ਵੀ ਬਣਾਈ ਖਾਸ ਪਛਾਣ

ਟੀਵੀ ਜਗਤ ਵਿੱਚ ਉਨ੍ਹਾਂ ਨੇ ‘ਵਾਗਲੇ ਕੀ ਦੁਨੀਆ’, ‘ਮਿਸੇਜ਼ ਤੇਂਦੁਲਕਰ’, ‘ਮਾਝਾ ਹੋਸ਼ਿਲ ਨਾ’, ਅਤੇ ‘ਭਾਰਤ ਕੀ ਖੋਜ’ ਵਰਗੇ ਮਸ਼ਹੂਰ ਸ਼ੋਆਂ ਵਿੱਚ ਕੰਮ ਕੀਤਾ। ਉਨ੍ਹਾਂ ਦਾ ਇਸ ਤਰ੍ਹਾਂ ਚੱਲੇ ਜਾਣਾ ਮਨੋਰੰਜਨ ਜਗਤ ਨੂੰ ਕਦੇ ਨਾ ਪੂਰਾ ਹੋਣ ਵਾਲਾ ਘਾਟਾ ਹੈ।

0

0