TLT NEWS/ਚੰਡੀਗੜ੍ਹ : ਹਰਿਆਣੇ ਵਿਚ ਹੁਣ ਔਰਤਾਂ ਰਾਤ ਨੂੰ ਵੀ ਸ਼ਾਪਿੰਗ ਮਾਲ, ਵਪਾਰਕ ਅਦਾਰਿਆਂ, ਫੈਕਟਰੀਆਂ ਅਤੇ ਪ੍ਰੋਡਕਸ਼ਨ ਯੂਨਿਟਾਂ ਵਿਚ ਕੰਮ ਕਰ ਸਕਣਗੀਆਂ। ਨਿਯਮਾਂ ਵਿਚ ਬਦਲਾਅ ਕਰ ਕੇ ਔਰਤਾਂ ਨੂੰ •ਸ਼ਾਮੀਂ 7 ਵਜੇ ਤੋਂ ਸਵੇਰੇ 6 ਵਜੇ ਤੱਕ ਕੰਮ ਕਰਨ ਦੀ ਇਜਾਜ਼ਤ ਦਿੱਤੀ ਜਾਵੇਗੀ। ਹਾਲਾਂਕਿ, ਇਸ ਲਈ ਔਰਤਾਂ ਦੀ ਲਿਖਤੀ ਸਹਿਮਤੀ ਦੇ ਨਾਲ-ਨਾਲ ਉਨ੍ਹਾਂ ਲਈ ਸੁਰੱਖਿਆ ਤੇ ਆਵਾਜਾਈ ਦਾ ਪ੍ਰਬੰਧ, ਵੱਖਰੇ ਪਖਾਨੇ ਤੇ ਆਰਾਮ ਕਮਰੇ ਅਤੇ ਸੀਸੀਟੀਵੀ ਕੈਮਰੇ ਦਾ ਪ੍ਰਬੰਧ ਕਰਨਾ ਪਵੇਗਾ। ਕਿਰਤ ਵਿਭਾਗ ਦੇ ਮੁੱਖ ਸਕੱਤਰ ਰਾਜੀਵ ਰੰਜਨ ਨੇ ਸਬੰਧੀ ਹੁਕਮ ਜਾਰੀ ਕਰ ਦਿੱਤਾ ਹੈ।
ਰਾਤ ਦੀ ਸ਼ਿਫਟ ਵਿਚ ਕੰਮ ਕਰਨ ਵਾਲੀ ਕਿਸੇ ਵੀ ਔਰਤ ਨੂੰ ਮੈਟਰਨਿਟੀ ਲਾਭ ਦੀ ਸਹੂਲਤ ਤੋਂ ਵਾਂਝਿਆ ਨਹੀਂ ਕੀਤਾ ਜਾਵੇਗਾ। ਹੁਕਮ ਮੁਤਾਬਕ, ਜੇਕਰ ਔਰਤਾਂ ਰਾਤ ਦੀ ਸ਼ਿਫਟ ਵਿਚ ਕੰਮ ਕਰ ਰਹੀਆਂ ਹਨ ਤਾਂ ਹਰ ਸ਼ਿਫਟ ਵਿਚ ਇਕ-ਤਿਹਾਈ ਔਰਤ ਸੁਪਰਵਾਈਜ਼ਰ, ਸ਼ਿਫਟ ਇੰਚਾਰਜ ਜਾਂ ਫੋਰਮੈਨ ਦੀ ਮੌਜੂਦਗੀ ਲਾਜ਼ਮੀ ਹੋਵੇਗੀ।
ਜੰਗਲਾਤ ਅਪਰਾਧੀਆਂ ਨੂੰ ਹੁਣ ਇਕ ਸਾਲ ਤੱਕ ਦੀ ਜੇਲ੍ਹ
ਹਰਿਆਣਾ ਵਿਚ ਹੁਣ ਜੰਗਲਾਤ ਅਪਰਾਧੀਆਂ ਨੂੰ ਛੇ ਮਹੀਨਿਆਂ ਦੀ ਬਜਾਏ ਇਕ ਸਾਲ ਤੱਕ ਜੇਲ੍ਹ ਹੋ ਸਕਦੀ ਹੈ। ਜੁਰਮਾਨਾ ਵੀ 500 ਰੁਪਏ ਦੀ ਬਜਾਏ 1000 ਰੁਪਏ ਲੱਗੇਗਾ। ਸੋਧੇ ਗਏ ਨਿਯਮਾਂ ਮੁਤਾਬਕ, ਜੁਰਮਾਨੇ ਅਤੇ ਸਜ਼ਾ ਦੀ ਮਿਆਦ ਦੁੱਗਣੀ ਕੀਤੀ ਗਈ ਹੈ।
More Stories
ਫਰਜ਼ੀ ਪੁਲਿਸ ਬਣ ਕੇ ਗੰਨ ਹਾਊਸ ਤੋਂ ਪਿਸਤੌਲ ਲੈ ਉੱਡਿਆ ਮੁਲਜ਼ਮ, ਹੁਣ ਪੁਲਿਸ ਨੇ ਕੀਤਾ ਗ੍ਰਿਫ਼ਤਾਰ
ਰਾਜਾਸਾਂਸੀ ਹਵਾਈ ਅੱਡੇ ਤੋਂ ਹਵਾਈ ਉਡਾਣ ਦੇਰੀ ਨਾਲ ਹੋਣ ਕਾਰਨ ਯਾਤਰੀ ਹੋ ਰਹੇ ਖੱਜਲ-ਖੁਆਰ
ਟੈਕਸ ਦੇਣ ਦੇ ਬਾਵਜੂਦ ਪਿੰਡਾਂ ਦੀਆਂ ਸੜਕਾਂ ਦੀ ਹਾਲਤ ਖਸਤਾ ਰਖਣਾ ਗੈਰ ਸੰਵਿਧਾਨਕ