ਪੁਲ ਤੋਂ ਲੰਘ ਰਹੀ ਸੀ ਟ੍ਰੇਨ ਤੇ ਚੱਕੀ ਦਰਿਆ ਦੇ ਹੜ੍ਹ ‘ਚ ਵਹਿ ਗਈ ਅਪ੍ਰੋਚ, ਪਠਾਨਕੋਟ-ਜੰਮੂ ਨਾਲੋਂ ਟੁੱਟ ਸਕਦੈ ਸੰਪਰਕ

ਪਠਾਨਕੋਟ ਨਾਲ ਲਗਦੇ ਹਿਮਾਚਲ ਦੇ ਪਿੰਡ ਮਾਜਰਾ ਅਤੇ ਏਅਰਪੋਰਟ ਨੂੰ ਜਾਣ ਵਾਲੀ ਇਕੱਲੀ ਸੜਕ ਦੀ ਹਾਲਤ ਬਹੁਤ ਖਰਾਬ ਹੈ। ਕਿਸੇ ਵੀ ਸਮੇਂ ਚੱਕੀ ਦਰਿਆ ‘ਚ ਪਾਣੀ ਦਾ ਤੇਜ਼ ਵਹਾਅ ਆਉਣ ਕਾਰਨ ਇਸ ਸੜਕ ਦੇ ਪੂਰੀ ਤਰ੍ਹਾਂ ਵਹਿ ਜਾਣ ਨਾਲ ਏਅਰਪੋਰਟ ਤੇ ਮਾਜਰਾ ਪਿੰਡ ਦਾ ਸੰਪਰਕ ਹਿਮਾਚਲ ਅਤੇ ਪਠਾਨਕੋਟ ਨਾਲ ਕੱਟ ਸਕਦਾ ਹੈ। ਪਿਛਲੇ ਸਾਲ ਵੀ ਇਹ ਸੜਕ ਚੱਕੀ ਦਰਿਆ ਦੇ ਪਾਣੀ ਦੇ ਤੇਜ਼ ਵਹਾਅ ‘ਚ ਰੁੜ੍ਹ ਗਈ ਸੀ ਤੇ 4 ਮਹੀਨੇ ਤਕ ਮਾਜਰਾ ਪਿੰਡ ਦਾ ਸੰਪਰਕ ਪਠਾਨਕੋਟ ਅਤੇ ਹਿਮਾਚਲ ਨਾਲ ਕੱਟ ਗਿਆ ਸੀ। ਸਮੇਂ-ਸਮੇਂ ‘ਤੇ ਇਸ ਸੜਕ ਨੂੰ ਲੈ ਕੇ ਖਬਰਾਂ ਪ੍ਰਕਾਸ਼ਿਤ ਕਰ ਕੇ ਇਲਾਕੇ ਦੇ ਮੌਜੂਦਾ ਵਿਧਾਇਕ ਅਤੇ ਪੀਡਬਲਯੂਡੀ ਵਿਭਾਗ ਨੂੰ ਜਗਾਉਣ ਦੀ ਕੋਸ਼ਿਸ਼ ਕੀਤੀ ਜਾਂਦੀ ਰਹੀ ਹੈ।

ਇਸ ਸੜਕ ਨਾਲ ਮਾਜਰਾ ਪਿੰਡ ਦੇ ਨਾਲ-ਨਾਲ ਪੰਚਾਇਤ ਸੀਰਤ, ਪੰਚਾਇਤ ਮੋਟਲੀ, ਪੰਚਾਇਤ ਡਮਟਾਲ ਆਦਿ ਦੀ ਕਾਫੀ ਅਬਾਦੀ ਵੱਸਦੀ ਹੈ। ਚਾਰ ਪੰਚਾਇਤਾਂ ਦੀ ਆਬਾਦੀ ਹੋਣ ਦੇ ਬਾਵਜੂਦ ਇੰਨੀ ਵੱਡੀ ਸਮੱਸਿਆ ਵੱਲ ਕਿਸੇ ਵੀ ਸਿਆਸੀ ਪਾਰਟੀ ਨੇ ਕੋਈ ਧਿਆਨ ਨਹੀਂ ਦਿੱਤਾ ਹੈ। ਸੜਕ ਦੇ ਡੰਗੇ ਦੇ ਪੱਥਰ ਨਿਕਲ ਗਏ ਹਨ। ਕ੍ਰੇਟ ਵਹਿ ਗਏ ਹਨ। ਰੋਜ਼ਾਨਾ 80-90 ਗੱਡੀਆਂ ਲੰਘਦੀਆਂ ਹਨ। ਇੱਥੇ ਰੇਲਵੇ ਪੁਲ ਸੁਰੱਖਿਅਤ ਹੈ। ਪੁਲ ਨੂੰ ਕੋਈ ਖ਼ਤਰਾ ਨਹੀਂ। ਅਪ੍ਰੋਚ ਦੀ ਕੰਧ ਮੀਂਹ ਦੇ ਪਾਣੀ ਦੇ ਤੇਜ਼ ਪ੍ਰਵਾਹ ‘ਚ ਡਿੱਗੀ ਹੈ। ਜੇ ਲੋੜ ਪਈ ਤਾਂ ਆਗਾਮੀ ਸੁਰੱਖਿਆ ਉਪਾਅ ਤਹਿਤ ਰੇਲਗੱਡੀਆਂ ਬੰਦ ਹੋ ਸਕਦੀਆਂ ਹਨ।