ਹਾਲੀਵੁੱਡ ਨੂੰ ਵੱਡਾ ਝਟਕਾ: ‘ਸਟਾਰ ਟ੍ਰੈਕ’ ਅਤੇ ‘ਐਕਸ-ਮੈਨ’ ਦੇ ਮਸ਼ਹੂਰ ਅਦਾਕਾਰ ਪੈਟ੍ਰਿਕ ਸਟੀਵਰਟ ਦਾ 86 ਸਾਲ ਦੀ ਉਮਰ ਵਿਚ ਦੇਹਾਂਤ

ਅਲਜ਼ਾਈਮਰ ਅਤੇ ਲਿਊਈ ਬਾਡੀ ਡਿਮੈਂਸ਼ੀਆ ਤੋਂ ਸਨ ਪੀੜਤ
ਮੀਡੀਆ ਰਿਪੋਰਟਾਂ ਮੁਤਾਬਕ ਪੈਟ੍ਰਿਕ ਸਟੀਵਰਟ ਨੇ ਲਾਸ ਏਂਜਲਸ ਸਥਿਤ ਆਪਣੇ ਘਰ ਵਿਚ ਆਖਰੀ ਸਾਹ ਲਏ। ਉਨ੍ਹਾਂ ਦੇ ਬੁਲਾਰੇ ਕੈਲੀ ਬੁਸ਼ ਨੋਵਾਕ ਨੇ ਦੱਸਿਆ ਕਿ ਉਹ ਅਲਜ਼ਾਈਮਰ ਰੋਗ ਅਤੇ ਲਿਊਈ ਬਾਡੀ ਡਿਮੈਂਸ਼ੀਆ ਨਾਲ ਜੂਝ ਰਹੇ ਸਨ। ਦੇਹਾਂਤ ਸਮੇਂ ਉਨ੍ਹਾਂ ਦੀ ਪਤਨੀ ਸਨੀ ਓਜ਼ੈਲ ਉਨ੍ਹਾਂ ਦੇ ਨਾਲ ਮੌਜੂਦ ਸਨ।

‘ਸਟਾਰ ਟ੍ਰੈਕ’ ਅਤੇ ‘ਐਕਸ-ਮੈਨ’ ਨਾਲ ਬਣਾਈ ਵਿਸ਼ਵ ਪੱਧਰੀ ਪਛਾਣ
ਪੈਟ੍ਰਿਕ ਸਟੀਵਰਟ ਨੂੰ ਸਭ ਤੋਂ ਵੱਧ ਪ੍ਰਸਿੱਧੀ ਟੈਲੀਵਿਜ਼ਨ ਲੜੀ ‘ਸਟਾਰ ਟ੍ਰੈਕ: ਦ ਨੈਕਸਟ ਜਨਰੇਸ਼ਨ’ ਵਿਚ ਕੈਪਟਨ ਜੀਨ-ਲੂਕ ਪਿਕਾਰਡ ਅਤੇ ‘ਐਕਸ-ਮੈਨ’ ਫਿਲਮਾਂ ਵਿਚ ਪ੍ਰੋਫੈਸਰ ਚਾਰਲਸ ਜ਼ੇਵੀਅਰ ਦੀ ਭੂਮਿਕਾ ਨਿਭਾਉਣ ਲਈ ਮਿਲੀ। ਉਨ੍ਹਾਂ ਦੀ ਦਮਦਾਰ ਆਵਾਜ਼, ਸ਼ਾਨਦਾਰ ਅਦਾਕਾਰੀ ਅਤੇ ਪ੍ਰਭਾਵਸ਼ਾਲੀ ਸ਼ਖ਼ਸੀਅਤ ਨੇ ਉਨ੍ਹਾਂ ਨੂੰ ਦੁਨੀਆ ਭਰ ਵਿਚ ਮਕਬੂਲ ਬਣਾਇਆ।

ਫਿਲਮਾਂ ਅਤੇ ਟੈਲੀਵਿਜ਼ਨ ਤੋਂ ਇਲਾਵਾ ਉਨ੍ਹਾਂ ਨੇ ਥੀਏਟਰ ਦੀ ਦੁਨੀਆ ਵਿਚ ਵੀ ਵੱਡਾ ਯੋਗਦਾਨ ਪਾਇਆ। ਸ਼ੇਕਸਪੀਅਰ ਦੇ ਨਾਟਕਾਂ ਵਿਚ ਉਨ੍ਹਾਂ ਦੀ ਅਦਾਕਾਰੀ ਨੂੰ ਖ਼ਾਸ ਤੌਰ ’ਤੇ ਸਰਾਹਿਆ ਗਿਆ। ਉਹ ਕਈ ਸਾਲ ਰਾਇਲ ਸ਼ੇਕਸਪੀਅਰ ਕੰਪਨੀ ਨਾਲ ਜੁੜੇ ਰਹੇ।

2010 ਵਿੱਚ ਮਿਲਿਆ ਸੀ ਨਾਈਟਹੁੱਡ ਦਾ ਸਨਮਾਨ
ਪੈਟ੍ਰਿਕ ਸਟੀਵਰਟ ਨੂੰ ਅਦਾਕਾਰੀ ਦੇ ਖੇਤਰ ਵਿਚ ਉਨ੍ਹਾਂ ਦੇ ਯੋਗਦਾਨ ਲਈ ਸਾਲ 2010 ਵਿਚ ਬ੍ਰਿਟੇਨ ਦੀ ਮਹਾਰਾਣੀ ਐਲਿਜ਼ਾਬੈਥ ਦੂਜੀ ਵਲੋਂ ਨਾਈਟਹੁੱਡ ਦੀ ਉਪਾਧੀ ਦਿੱਤੀ ਗਈ ਸੀ। ਉਨ੍ਹਾਂ ਨੇ ਆਪਣੇ ਲੰਬੇ ਕਰੀਅਰ ਦੌਰਾਨ ਸਟੇਜ, ਟੈਲੀਵਿਜ਼ਨ ਅਤੇ ਸਿਨੇਮਾ ਤਿੰਨਾਂ ਖੇਤਰਾਂ ਵਿਚ ਆਪਣੀ ਵੱਖਰੀ ਪਛਾਣ ਬਣਾਈ।

ਪੈਟ੍ਰਿਕ ਸਟੀਵਰਟ ਦਾ ਦੇਹਾਂਤ ਮਨੋਰੰਜਨ ਜਗਤ ਲਈ ਇਕ ਵੱਡਾ ਘਾਟਾ ਹੈ। ਉਨ੍ਹਾਂ ਵਲੋਂ ਨਿਭਾਏ ਗਏ ਕਿਰਦਾਰ ਅਤੇ ਸਿਨੇਮਾ ਲਈ ਪਾਇਆ ਯੋਗਦਾਨ ਹਮੇਸ਼ਾ ਯਾਦ ਰੱਖਿਆ ਜਾਵੇਗਾ।